Bæjarráð Fjallabyggðar

Vegna breyttra aðstæðna við rekstur Sambýlisins að Lindargötu á Siglufirði er sviðsstjóra velferðarsviðs og deildarstjóra félagsmáladeildar falið að vinna að endurskipulagningu starfseminnar og störfum starfsmanna í samráði við bæjarstjóra. Auk þess er sama hópi falið að leggja fram tillögur að nýtingu húsnæðisins til lengri tíma og skila til bæjarráðs tillögum fyrir 15. mars 2026.

Bæjarráð veitir bæjarstjóra heimild til þess að aðskilja götusópun frá holræsahreinsun við næsta útboð holræsahreinsunar á vegum sveitarfélagsins. Bæjarstjóra jafnframt veitt heimild til þess að framkvæma verðkönnun á götusópun.

Bæjarráð samþykkir þjónustusamning við Fjallasali ses/Pálshús um varðveislu, viðhald og aðgengi að náttúrugripasafni fyrir árin 2026, 2027 og 2028.

Bæjarráð samþykkir að styrkja verkefnið um kr 1.400.000 líkt og áður var samþykkt árið 2024. Bæjarráð minnir vinsamlegast á að samþykktur fjárstuðningur til tiltekinna verkefna færist ekki sjálfkrafa á milli fjárhagsára náist ekki að framkvæma viðkomandi verkefni. Styrkveitingin rúmast innan fjárhagsáætlunar ársins 2026 fyrir æskulýðs- og íþróttamál.

Bæjarráð felur bæjarstjóra að svara erindi Víkingsins og lýsa yfir áhuga á að Víkingurinn 2026 fari fram í Fjallabyggð.

Lagt fram til kynningar