Umsókn um styrk eða framlag 2026

Málsnúmer 2602051

Bæjarráð Fjallabyggðar - 910. fundur - 26.02.2026

Með fundarboði bæjarráðs fylgdi umsókn Skíðafélags Ólafsfjarðar um styrk eða framlag úr bæjarsjóði til uppsetninga á húsakosti við svokallaðan Jóns lund/Nonna lund.
Styrkveiting til verkefnisins var samþykkt áður í bæjarráði í desember 2024 en ekki var framkvæmt á árinu 2025 fyrir andvirði þess styrks.

Samþykkt

Bæjarráð samþykkir að styrkja verkefnið um kr 1.400.000 líkt og áður var samþykkt árið 2024. Bæjarráð minnir vinsamlegast á að samþykktur fjárstuðningur til tiltekinna verkefna færist ekki sjálfkrafa á milli fjárhagsára náist ekki að framkvæma viðkomandi verkefni. Styrkveitingin rúmast innan fjárhagsáætlunar ársins 2026 fyrir æskulýðs- og íþróttamál.