Bæjarráð Fjallabyggðar

Á fund bæjarráðs mættu Gunnar Smári Helgason og Finnur Yngvi Kristinsson til að ræða stofnun og markmið félags til að halda hina hefðbundnu hátíð, Síldarævintýrið, um verslunarmannahelgina ár hvert. Meginviðmið sé ,,síldarstemningin" í anda síldaráranna þar sem dagskráin verði metnaðarfull og vönduð og sem mest byggð á menningu Fjallabyggðar. 
Fulltrúar vildu kanna hvort bæjaryfirvöld vildu gera samning við félagið um tilhögun hátíðarinnar og árlegt framlag. Óska jafnframt eftir því að sveitarfélagið komi að stofnun félagsins og tilnefni meðstjórnanda og varamann.

Bæjarráð lýsti yfir ánægju sinni með markmið og stofnun félagsins og vísar erindinu til menningarnefndar.

Samningur um rekstrarleigu fólksflutningabifreiðarinnar YL-131 er runnin út og samþykkir bæjarráð að endurnýja samninginn.

Fyrir bæjarráði liggur skýrsla þróunarstjóra um starfsemi þjónustumiðstöðva sveitarfélagsins.

Bæjarráð samþykkir að birta hana á vef sveitarfélagsins.

Boðað er til aðalfundar Lánasjóðs sveitarfélaga ohf., föstudaginn 26. mars í Reykjavík.

Bæjarráð samþykkir að Hermann Einarsson fari með umboð sveitarfélagsins.

Bæjarráð samþykkir að framlengja umsóknarfrest um starf aðstoðarskólastjóra við fræðslustofnanir Fjallabyggðar til og með 17. mars 2010.

Jóna Vilhelmína Héðinsdóttir lagði fram eftirfarandi.

Undirrituð óskar eftir upplýsingum um framvindu framkvæmda við sundlaug í Ólafsfirði. Óskað er eftir verk- og kostnaðaráætlun, ásamt upplýsingum um aukaverk sem kunna að hafa fallið til, fram að þessu. Óskaði hún eftir svari á næsta bæjarráðsfundi.

Lagt fram til kynningar heildaryfirlit yfir framlög úr Jöfnunarsjóði sveitarfélaga til Fjallabyggðar á árinu 2009.

Lagt fram til kynningar áætlanir Jöfnunarsjóðs sveitarfélaga um úthlutanir framlaga til Fjallabyggðar á árinu 2010.

Lögð fram til kynningar ábending Skipulagsstofnunar þar sem vakin er athygli á úrskurðum úrskurðarnefndar skipulags- og byggingarmála og af þeim megi ráða að sveitarstjórnir verði að fjalla sérstaklega um tillögu undirnefnda sinna og taka afstöðu til þeirra.

Lagt fram til kynningar launayfirlit fyrstu tvo mánuði ársins.

Lagt fram til kynningar erindi frá Óbyggðanefnd um þjóðlendumál á vestanverðu Norðurlandi, nyrðri hluta (7B).
Erindið verður á dagskrá skipulags- og umhverfisnefndar.

Fundargerð lögð fram til kynningar.