Erindi frá Framfarafélagi Ólafsfjarðar - ályktanir aðalfundar

Bæjarráð tekur undir þær ábendingar sem fram koma í ályktunum Framfarafélagsins varðandi stöðu á köldu vatni og þegar hefur málið verið sett í farveg með upplýsingasöfnun varðandi hættumat vatnsveitunnar. Varðandi ályktun um heitt vatn felur bæjarráð bæjarstjóra að leita frekari upplýsinga hjá Norðurorku varðandi áætlanir til skemmri og lengri tíma.

Bæjarráð og bæjarstjórn Fjallabyggðar hafa þegar bókað bæði um laxeldi og samgöngumál á utanverðum Tröllaskaga. Ráðið tekur undir mikilvægi þess að tekin verði ákvörðun um laxeldi í Eyjafirði eins fljótt og kostur er til þess að þeir aðilar sem í hyggju hafa að hefja uppbyggingu í sveitarfélaginu fái svör vegna fyrirætlana sinna.

Lagt fram til kynningar