Færsla á Sveinsbúð

Lagt fram erindi frá Magnúsi Magnússyni f.h. björgunarsveitarinnar Stráka.
1. Óskað er eftir leyfi til að færa skúr björgunarsveitarinnar sem í dag stendur við Innri höfn á Siglufirði yfir á Tjarnargötu 18 skv. meðfylgjandi afstöðumynd.
2. Óskað er eftir því að Fjallabyggð sjái um færsluna á skúrnum.
3. Óskað er eftir aðgengi að lofti og vatni þegar settur verður upp nýr aðstöðuskúr við Innri höfn.

Á 289. fundi skipulags- og umhverfisnefndar var tekið fyrir erindi Magnúsar Magnússonar, f.h. björgunarsveitarinnar Stráka, þar sem óskað var eftir leyfi til að færa skúr björgunarsveitarinnar sem í dag stendur við Innri höfn á Siglufirði yfir á Tjarnargötu 18. Í erindinu er óskað eftir því að sveitarfélagið sjái um færslu á skúrnum og er þeim lið vísað til afgreiðslu í bæjarráði.