Lausaganga katta - Erindi

Nefndin hefur oft rætt þetta mál og leggur það til að lausaganga katta verði bönnuð í sveitarfélaginu á tímabilinu 1. maí til 15. júlí. Tæknideild falið að breyta samþykkt um kattahald í Fjallabyggð í samræmi við ofangreinda bókun og leggja fram á næsta fund nefndarinnar.

Nefndin leggur til að 11. gr samþykktar um kattahald verði breytt þannig að hún verði svohljóðandi:
Eigendum katta ber skylda til þess að taka tillit til fuglalífs á varptíma, frá 1. maí til 15. júlí, og er lausaganga katta bönnuð á þeim tíma.
Samþykkt með þremur atkvæðum. Hjördís Hjörleifsdóttir situr hjá og Ingibjörg Guðlaug Jónsdóttir greiðir atkvæði á móti.

Ingibjörg Guðlaug Jónsdóttir leggur fram eftirfarandi bókun:
11. gr samþykktar um kattahald verður skerpt með dagsetningu á bjöllunotkun og takmörkun á lausagöngu katta. Þessu yrði svo fylgt eftir með auglýsingu og bréfum til kattareigenda.
14. greinin yrði útvíkkuð þannig að heimilt væri að handsama bjöllulausa ketti að undangengnu samþykki heilbrigðisnefndar.

Erindi frestað til næsta fundar.

Nefndin leggur til eftirfarandi breytingu á samþykkt Fjallabyggðar um kattahald.

11. gr. er svohljóðandi í dag:
Tillit til fuglalífs á varptíma:
Eigendum katta ber að taka tillit til fuglalífs á varptíma, t.d. með því að hengja bjöllu á kettina og takmarka útiveru þeirra.

11. gr. verður svohljóðandi eftir breytingu:
Tillit til fuglalífs á varptíma
eigendum katta bera að taka tillit til fuglalífs á varptíma, þ.e. frá 1. maí til 15. júlí og takmarka útiveru þeirra. Lausaganga katta er bönnuð frá kl. 20 til kl. 08 á þeim tíma.