Orkusjóður auglýsir styrki til orkuskipta 2020

Lögð fram umsókn ásamt staðfestingu á umsókn sveitarfélagsins til Orkustofnunar um innviðastyrk fyrir vistvæn ökutæki í Fjallabyggð og við opinbera staði, dags. 20.10.2020

Bæjarráð gerir ekki athugasemdir við umsókn til Orkusjóðs um styrk fyrir hleðslustöðvar fyrir vistvæn ökutæki í Fjallabyggð og við opinberar stofnanir í Fjallabyggð.

Lagt fram vinnuskjal deildarstjóra tæknideildar, dags. 06.01.2021 þar sem fram kemur að Fjallabyggð sótti um styrk til Orkusjóðs vegna orkuskipta. Sótt var um styrk upp á 5 milljónir sem fer til kaupa og uppsetningar á 8 Ac hleðslustöðvum og einni 50 kw. hraðhleðslustöð. Skilyrði fyrir styrkveitingu er að Fjallabyggð leggi til 50% af kostnaði við verkefnið. Orkusjóður hefur samþykkt styrk til Fjallabyggðar upp á 5 milljónir og er því óskað eftir viðauka upp á 5 milljónir svo hægt sé að framkvæma verkið.

Bæjarráð felur deildarstjóra tæknideildar að gera tillögu að staðsetningu stöðva sem og að vinna kostnaðaráætlun fyrir hvern stað og leggja fyrir bæjarráð.

Í framhaldi af bókun 679. fundar bæjarráðs. Lagt fram vinnuskjal deildarstjóra tæknideildar varðandi mögulegar staðsetningar á hleðslustöðvum og áætluðum kostnaði við uppsetningu.

Bæjarráð samþykkir að vísa málinu til umsagnar næsta fundar skipulags- og umhverfisnefndar.

Samþykkt samhljóða.