Breyting á reglum um birtingu gagna með fundargerðum

Lögð fram til kynningar drög að almennum reglum um birtingu gagna með fundargerðum í ráðum og nefndum Fjallabyggðar.

Bæjarráð samþykkir að almennar reglur um birtingu gagna verði teknar fyrir á næsta fundi bæjarráðs.

Lögð fram drög að breytingum á Almennum reglum um birtingu gagna með fundargerðum í ráðum og nefndum Fjallabyggðar.

Bæjarráð samþykkir drögin með áorðnum breytingum og vísar þeim til samþykktar í bæjarstjórn.

Á 654. fundi bæjarráðs vísaði ráðið breytingum á almennum reglum um birtingu gagna með fundargerðum í ráðum og nefndum Fjallabyggðar til samþykktar í bæjarstjórn.

Bæjarstjórn samþykkir reglur um birtingu gagna með fundargerðum með 7 atkvæðum.

Reglur um birtingu gagna með fundargerðum lagðar fram til kynningar. Nefndir og ráð Fjallabyggðar eru hvött til að birta gögn með fundargerðum í þeim tilfellum sem það er viðeigandi.
Fræðslu- og frístundanefnd ákveður að gera tilraun með að fundartími nefndarinnar verði kl. 12:00 - 13:00, að jafnaði annan mánudag í mánuði.

Farið yfir reglur um birtingu gagna með fundargerðum nefnda og ráða Fjallabyggðar. Einnig rætt um fundartíma nefndarinnar og mun nefndin stefna að því að funda kl. 15:00 framvegis.