Viðauki við fjárhagsáætlun 2020

Lagt fram til kynningar vinnuskjal vegna viðauka 1 til 23 við fjárhagsáætlun 2020. Heildar áhrif viðaukans á rekstrarniðurstöðu fjárhagsáætlunar 2020 er kr. 81.187.984 sem mætt verður með lækkun á handbæru fé.

Bæjarráð samþykkir framlagt vinnuskjal við viðauka 1 til 23 við fjárhagsáætlun 2020.

Lagt fram minnisblað deildarstjóra stjórnsýslu- og fjármáladeildar, dags. 18.09.2020 þar sem lagt er til að launapotti, vegna veikinda og kjarasamningshækkunar, verði útdeilt samkvæmt framlagðri tillögu og bókaður í viðauka nr. 25/2020 við fjárhagsáætlun 2020. Áhrif útdeilingar launapotts á rekstrarniðurstöðu Fjallabyggðar hreyfir ekki við handbæru fé.

Bæjarráð samþykkir útdeilingu launapotts og vísar í viðauka nr. 25/2020 við fjárhagsáætlun 2020.

Lagt fram vinnuskjal deildarstjóra tæknideildar, dags. 09.10.2020 þar sem óskað er eftir samþykki bæjarráðs til þess að ráða starfsmann sem sinnt hefur starfi yfirmanns umhverfismála áfram til áramóta og í framhaldinu verði gert ráð fyrir stöðunni á fjárhagsárinu 2021.

Launakostnaður frá 16. október til áramóta er áætlaður kr. 1.072.060.-

Bæjarráð samþykkir að ráða starfsmann í fullt starf við þjónustumiðstöð til áramóta.

Bæjarráð samþykkir viðauka nr. 28/2020 við fjárhagsáætlun 2020 að upphæð kr. 869.824.- við deild 33110 og lykil 1110 og kr. 202.236. við deild 33110, lykil 1890 sem mætt verður með lækkun á handbæru fé.

Lagt fram til kynningar vinnuskjal vegna viðauka nr. 24 - 32 við fjárhagsáætlun 2020. Heildaráhrif viðaukans á rekstrarniðurstöðu fjárhagsáætlunar 2020 er kr. 89.449.036.- sem mætt var með lækkun á handbæru fé.

Til máls tók Elías Pétursson.

Bæjarstjórn samþykkir framlagt yfirlit yfir viðauka við fjárhagsáætlun 2020.