Reglur um úthlutun lóða í Fjallabyggð

Tæknideild falið að uppfæra drögin í samræmi við athugasemdir nefndarinnar fyrir næsta fund.

Nefndin samþykkir drögin fyrir sitt leyti.

Guðjón M. Ólafsson lagði fram eftirfarandi tillögu að breytingu á 5. gr. reglnanna:
Við 5. gr. reglnanna bætist ný 3. mgr., svohljóðandi.

„Á svæðum sem bæði hafa verið kynnt sem mögulega lausar lóðir og deiliskipulagsvinna er þegar hafin er heimilt að úthluta án auglýsingar. Byggingin þarf að lúta skilmálum og kvöðum deiliskipulags svæðisins þegar það liggur fyrir. Öll vinna umsækjenda áður en deiliskipulag er samþykkt er á eigin ábyrgð."

Breytingatillagan er samþykkt með 7 atkvæðum.

Guðjón M. Ólafsson lagði einnig fram eftirfarandi bókun:
Bæjarstjórn Fjallabyggðar samþykkir framlagða breytingartillögu ásamt því að samþykkja heildarendurskoðun á reglum um úthlutun lóða í Fjallabyggð. Skipulags- og umhverfisnefnd falið að leiða heildarendurskoðun reglnanna.

Samþykkt með 7 atkvæðum.