Málefni Vegagerðarinnar í Fjallabyggð

Lagt fram til kynningar minnisblað frá fundi bæjarstjóra og deildarstjóra tæknideildar með umdæmisstjóra og rekstrarstjóra Vegagerðarinnar á Akureyri 2. mars 2016.

Lagt fram til kynningar bréf frá Vegagerðinni þar sem samþykkt er að veita styrk sem sótt var um vegna aðkomu í Skógræktina á Siglufirði.
Deildarstjóra tæknideildar falið að stýra framkvæmdinni.

Lagt fram minnisblað frá fundi Fjallabyggðar með Vegagerðinni 8. nóvember 2016.

Á fundinum var m.a. rætt um aðkomu Vegagerðarinnar að endurnýjun malbiks á þjóðveginum í gegnum Ólafsfjörð og Siglufjörð,
hraðamælingu með ljósaskiltum, veg að skíðasvæði í Skarðdal,
skipulagsvinnu vegna gatnamóta í miðbæ Siglufjarðar, vindmæli á Saurbæjarás og lausn á snjósöfnun þar.

Lögð fram samantekt eftir fund bæjarstjóra og deildarstjóra tæknideildar með fulltrúum Vegagerðarinnar þann 21.02.2017.

Bæjarráð fagnar sérstaklega að framkvæmdir við uppbyggingu Skarðsvegar séu að hefjast og endurgerð Túngötu á Siglufirði og Aðalgötu í Ólafsfirði.

Undir þessum lið sat Ármann V. Sigurðsson, deildarstjóri tæknideildar.

Lögð fram til kynningar samantekt frá fundi bæjarstjóra og deildarstjóra tæknideildar með Vegagerðinni sem fram fór þann 5. mars sl.. Á fundinum var m.a. rætt um yfirlagnir á þjóðvegi í Fjallabyggð og miðbæjarskipulag á Siglufirði.