Framtíðarhúsnæði Neon

Íþrótta-og tómstundafulltrúi upplýsti fundarmenn um hvað hefði verið gert til að fá húsnæði fyrir félagsmiðstöð.
Fundarmenn voru sammála um að finna yrði framtíðarhúsnæði undir félagsmiðstöð og bentu á Listhúsið í Ólafsfirði sem er til sölu.
Þar væri komið framtíðarhúsnæði fyrir alla aldurshópa og þá yrði félagsmiðstöðin eingöngu í Ólafsfirði.
Nefndarmönnum finnst að það mætti kaupa leikjatölvur, spil og sófa.

Ungmennaráð felur íþrótta-og tómstundafulltrúa að setja saman könnun á húsnæði Félagsmiðstöðvar í samráði við Ungmennaráð.

Fundarmenn komu með spurningar til að setja í væntanlega könnun.
Umræður urðu um félagslífið í félagsmiðstöðinni og einnig kom fram að Haukur Orri er að fara á fund hjá Ungmennaráði UMFÍ á föstudag, en hann var valinn af umsækjendum víða af landinu. Enginn kostnaður verður af ferðum Hauks Orra á þessa fundi.

Í tengslum við umræðu um framtíðarhúsnæði Neon var framkvæmd könnun á meðal nemenda í 8. - 10. bekk. þar sem spurt var út i húsnæðismál og skipulag starfseminnar í félagsmiðstöðinni. Svarhlutfall var 80,8%. Tæp 57% nemenda segja það skipta máli að félagsmiðstöðin sé bæði á Siglufirði og í Ólafsfirði. Rúm 64% sækja félagsmiðstöðina nokkrum sinnu í viku á meðan rúm 5% segjast aldrei taka þátt í starfi Neon. 77,5% nemenda segja að ungmenni ráði miklu eða mjög miklu um starfsemi Neon. Einnig var spurt út í samgöngur á milli byggðarkjarna. Rúm 80% ungmenna telja að það megi vera fleiri rútuferðir á milli Ólafsfjarðar og Siglufjarðar.

Ungmennaráð leggur til við bæjarráð að fundin verði framtíðarlausn á húsnæðismálum félagsmiðstöðvarinnar þannig að hægt sé að starfrækja hana í báðum byggðarkjörnum. Ungmennaráð óskar eftir að fá að koma á fund bæjarráðs til að ræða um framtíðaráform á húsnæðismálum félagsmiðstöðvarinnar auk þess að ræða starfsemi ungmennaráðs.

Fulltrúar ungmennaráðs, Haukur Orri Kristjánsson, Óskar Helgi Ingvason, Tinna Kristjánsdóttir og Anna Dís Baldvinsdóttir mættu á fund bæjarráðs ásamt deildarstjóra fræðslu- frístunda- og menningarmála, Kristni J. Reimarssyni og íþrótta- og tómstundafulltrúa Hauki Sigurðssyni.

Til umræðu var framtíðarhúsnæði Neons.
Kynnt var niðurstaða könnunar ungmennaráðs sem m.a. gekk út á að fá fram sýn ungmenna á framtíðarhúsnæði félagsmiðstöðvarinnar auk þess að kanna starfið í félagsmiðstöðinni.