Samþykkt um stjórn Fjallabyggðar

Farið yfir ábendingar sem borist hafa frá Innanríkisráðuneytinu varðandi samþykkt um stjórn Fjallabyggðar.  Þar eru aðallega um minniháttar orðalagsbreytingar að ræða.
Breyta þarf fjölda bæjarfulltrúa í 7 í fyrstu grein, eftir samþykkt bæjarstjórnar.

Bæjarráð felur bæjarstjóra, Sigurði Val Ásbjarnarsyni, forseta bæjarstjórnar Ingvari Erlingssyni og Agli Rögnvaldssyni bæjarfulltrúa að leggja fram breytingartillögu á næsta bæjarstjórnarfundi við samþykktir um stjórn Fjallabyggðar.

336. fundur bæjarráðs 1. apríl 2014, fól bæjarstjóra, Sigurði Val Ásbjarnarsyni, forseta bæjarstjórnar Ingvari Erlingssyni og Agli Rögnvaldssyni bæjarfulltrúa að leggja fram breytingartillögu á næsta bæjarstjórnarfundi við samþykktir um stjórn Fjallabyggðar.

Forseti lagði fram og gerði grein fyrir tillögu að breytingu á samþykkt um stjórn Fjallabyggðar.

Bæjarstjórn samþykkti með 9 atkvæðum að vísa breytingartillögu til síðari umræðu í bæjarstjórn.

Bæjarstjórn samþykkti á 99. fundi sínum 9. apríl 2014, með 9 atkvæðum að vísa breytingartillögu á samþykkt um stjórn Fjallabyggðar til síðari umræðu í bæjarstjórn.

Forseti gerði grein fyrir þeim athugasemdum sem fram hafa komið milli umræðna.

Breytingartillaga samþykkt með 9 atkvæðum.

Lögð fram til kynningar samþykkt um stjórn Fjallabyggðar, sem staðfest var 5. maí sl. af Innanríkisráðuneytinu.