Skipulags- og umhverfisnefnd Fjallabyggðar - 148. fundur - 5. desember 2012.

Málsnúmer 1211014F

Vakta málsnúmer

Bæjarstjórn Fjallabyggðar - 84. fundur - 12.12.2012

Varaforseti bæjarstjórnar, Þorbjörn Sigurðsson gerði grein fyrir fundargerð.

  • .1 1211033 Viðbragðsáætlun Héðinsfjarðarganga
    Skipulags- og umhverfisnefnd Fjallabyggðar - 148. fundur - 5. desember 2012.
    Undir þessum dagskrárlið sátu: Birgir Guðmundsson og Gísli Eiríksson frá Vegagerðinni, Guðmundur Gunnarsson frá Mannvirkjastofnun og Ámundi Gunnarsson slökkviliðsstjóri Fjallabyggðar. Birgir og Gísli kynntu fundarmönnum viðbragðsáætlun, áhættumat, mat á umfangi og flutningi á hættulegum efnum  í Héðinsfjarðargöngum. Eftir framsögu Gísla og Birgis kynnti Guðmundur Gunnarsson athugasemdir Mannvirkjastofnunar við viðbragðsáætlunina.
     
    Nefndin samþykkir framlagða viðbragðsáætlun Héðinsfjarðarganga en bendir á að athugasemdir og ábendingar frá Mannvirkjastofnun skuli hafðar til hliðsjónar við endurskoðun áætlunarinnar.
     Bókun fundar Afgreiðsla 148. fundar skipulags- og umhverfisnefndar staðfest á 84. fundi bæjarstjórnar með 9 atkvæðum.
  • .2 1211104 Varðar byggingar á Þverá
    Skipulags- og umhverfisnefnd Fjallabyggðar - 148. fundur - 5. desember 2012.
    Undir þessum dagskrárlið sátu: Guðmundur Gunnarsson frá Mannvirkjastofnun og Ámundi Gunnarsson slökkviliðsstjóri Fjallabyggðar.
    Lagt er fram bréf þar sem Sigurður Sigurðsson sækir um lokaúttekt á sumarhúsum nr. 5, 9 og 11 á Þverá í Ólafsfirði.
     
    Gunnar Guðmundsson tjáði nefndinni að notkun á þeim samlokueiningum sem eru í fyrrgreindum húsum er bönnuð. Tiltekið er á byggingarnefndarteikningum að í utanhússklæðningu á húsunum eru notaðar einingar sem eru eldtefjandi, en komið hefur í ljós að svo er ekki. Einingarnar eru úr brennanlegri einangrun. Samkvæmt byggingarreglugerð nr. 441/1998 hefði Sigurður getað sótt um undanþágu fyrir umræddum einingum til umhverfisráðherra. Nú er komin út ný byggingarreglugerð nr. 112/2012 og er þar búið að fella út áðurgreinda undanþáguheimild.
     
    Nefndin getur ekki veitt heimild fyrir umræddum einingum og þar með lokaúttekt en bendir á að hugsanlega sé hægt að sækja um undanþágu til ráðherra þar sem byggingarleyfi fyrir umræddum húsum var gefið út í gildistíð eldri byggingarreglugerðar nr. 441/1998.
     Bókun fundar Afgreiðsla 148. fundar skipulags- og umhverfisnefndar staðfest á 84. fundi bæjarstjórnar með 9 atkvæðum.
  • .3 1211053 Lóðarleigusamningur, Vesturtangi 7
    Skipulags- og umhverfisnefnd Fjallabyggðar - 148. fundur - 5. desember 2012.
    Lagður fram lóðarleigusamningur fyrir lóðina Vesturtangi 7 á Siglufirði.
     
    Erindi samþykkt.
     Bókun fundar Afgreiðsla 148. fundar skipulags- og umhverfisnefndar staðfest á 84. fundi bæjarstjórnar með 9 atkvæðum.
  • .4 1211082 Ósk um samstarf í umhverfismálum
    Skipulags- og umhverfisnefnd Fjallabyggðar - 148. fundur - 5. desember 2012.
    Lagt fram kynningarbréf frá sjálfboðaliðasamtökunum SEEDS. Samtökin taka á móti erlendum sjálfboðaliðum til þess að sinna fjölþættum verkefnum á sviði umhverfis-, menningar- og félagsmála.
     
    Nefndin þakkar erindið en óskar ekki eftir samstarfi að sinni.
     Bókun fundar Afgreiðsla 148. fundar skipulags- og umhverfisnefndar staðfest á 84. fundi bæjarstjórnar með 9 atkvæðum.
  • .5 1211064 Uppfærsla á deiliskipulögum Fjallabyggðar
    Skipulags- og umhverfisnefnd Fjallabyggðar - 148. fundur - 5. desember 2012.
    Lagt fram bréf frá Skipulagsstofnun dagsett 9. nóvember er varðar gildi deiliskipulags sem birt hefur verið í Stjórnartíðindum árin 2011 og 2012. Samkvæmt nýlegum úrskurði úrskurðarnefndar skipulags- og byggingarmála er niðurstaðan sú að þar sem meira en þrír mánuðir hafa liðið frá endanlegri samþykkt sveitarstjórnar á deiliskipulagstillögu þar til auglýsing um hana hafi verið birt í B-deild Stjórnartíðinda þá hafi tillagan þegar verið orðin ógild þegar sú auglýsing var birt.
    Tæknideild Fjallabyggðar hefur yfirfarið allar deiliskipulagsáætlanir sem þetta varðar og kom í ljós að alls tíu deiliskipulagsáætlanir og breytingar á deiliskipulögum eru ekki í gildi.
     
    Nefndin leggur til að farið verði með eftirfarandi deiliskipulagsáætlanir samkvæmt 41. gr. skipulagslaga nr. 123/2010 og felur tæknideild að auglýsa eftir athugasemdum við eftirfarandi deiliskipulagstillögur:
    1. Eyrarflöt Siglufirði.
    2. Frístundabyggð við Saurbæjarás Siglufirði.
    3. Frístundabyggð vestan Óss í Ólafsfirði.
    4. Svæði fyrir hesthús, hestaíþróttir og frístundabúskap Siglufirði.
    5. Snjóflóðavarnir og útivistarsvæði við Hornbrekku Ólafsfirði.
    6. Flæðar í Ólafsfirði.
    7. Snjóflóðavarnir ofan byggðar Siglufirði.
     Bókun fundar <DIV>Til máls tóku Ólafur H. Marteinsson og Sigurður Valur Ásbjarnarson.<BR>Afgreiðsla 148. fundar skipulags- og umhverfisnefndar staðfest á 84. fundi bæjarstjórnar með 9 atkvæðum.</DIV>
  • .6 1211020 Ósk um umsögn um athugasemdir Brynju I.Hafsteinsdóttur við útgáfu starfsleyfis fyrir efnistöku á Siglunesi
    Skipulags- og umhverfisnefnd Fjallabyggðar - 148. fundur - 5. desember 2012.
    Sigurjón Þórðarson heilbrigðisfulltrúi f.h. Heilbrigðiseftirlits Norðurlands vestra óskar eftir umsögn Fjallabyggðar um athugasemdir Brynju I. Hafsteinsdóttur f.h. nokkurra landeigenda á Siglunesi við útgáfu starfsleyfis fyrir efnistöku á Siglunesi.
     
    Nefndin ítrekar bókun 133. fundar skipulags- og umhverfisnefndar þar sem fram koma skilyrði fyrir útgáfu framkvæmdaleyfis og felur byggingarfulltrúa að svara erindinu.
     Bókun fundar Afgreiðsla 148. fundar skipulags- og umhverfisnefndar staðfest á 84. fundi bæjarstjórnar með 9 atkvæðum.
  • .7 1211057 Skíðasvæðið í Skarðdal
    Skipulags- og umhverfisnefnd Fjallabyggðar - 148. fundur - 5. desember 2012.
    Lagt fram bréf frá Valtý Sigurðssyni f.h. Leyningsáss ses. er varðar skíðasvæðið í Skarðdal. Í bréfinu er óskað eftir því að vinna vegna hönnunar á nýjum vegi verði komið af stað þar sem málið sé búið að vera í biðstöðu í langan tíma.
     
    Nefndin felur tæknideild að hefja viðræður við Vegagerðina vegna hönnunar á nýjum vegi að framtíðarstaðsetningu skíðaskála í Skarðdal.
     Bókun fundar Afgreiðsla 148. fundar skipulags- og umhverfisnefndar staðfest á 84. fundi bæjarstjórnar með 9 atkvæðum.
  • .8 1211058 Náttúruverndarnefnd - ársskýrsla 2012
    Skipulags- og umhverfisnefnd Fjallabyggðar - 148. fundur - 5. desember 2012.
    Lögð fram drög að ársskýrslu náttúruverndarnefndar Fjallabyggðar fyrir árið 2012 sem voru unnin af umhverfisfulltrúa.
     
    Nefndin samþykkir framlögð drög og felur umhverfisfulltrúa að skila skýrslunni inn til Umhverfisstofnunar.
     Bókun fundar Afgreiðsla 148. fundar skipulags- og umhverfisnefndar staðfest á 84. fundi bæjarstjórnar með 9 atkvæðum.
  • .9 1211045 Rekstraryfirlit 30. september 2012
    Skipulags- og umhverfisnefnd Fjallabyggðar - 148. fundur - 5. desember 2012.
    Lagt fram til kynningar rekstraryfirlit til 30. september 2012.
     Bókun fundar Afgreiðsla 148. fundar skipulags- og umhverfisnefndar staðfest á 84. fundi bæjarstjórnar með 9 atkvæðum.