Fréttir

Sjálfsbjörg, sem hefur aðsetur að Lækjargötu 2 Siglufirði, tekur þátt í deginum hér og hvetur íbúa Fjallabyggðar til að hittast á Torginu Siglufirði, laugardaginn 27. ágúst kl. 13:00 og taka ganga um nærumhverfið og fylla inn í TravAble appið. Að því loknu, kl. 14-16, býður Sjálfsbjörg upp á kaffi og vöfflur í húsnæði sínu á Siglufirði. TravAble appið má nálgast í Applestore og GooglePlay og hægt er að fylla inn í það hvar sem er og hvenær sem er. Íbúar Fjallabyggðar eru hvattir til að fylla inn í appið upplýsingar um aðgengi í báðum byggðarkjörnum, og víðar eftir því sem við á.

Ný akstursáætlun skólarútu tekur gildi mánudaginn 22. ágúst en þá hefst skólastarf Grunnskóla Fjallabyggðar. Almennir farþegar eru velkomnir í skólarútu ef sæti eru laus en nemendur grunnskóla, menntaskóla og starfsfólk sveitarfélagsins ganga fyrir sætum, í þessari röð.

Nýlega voru “Áform um frumvarp til laga um heimild til að stofna opinbert hlutafélag um uppbyggingu og rekstur samgönguinnviða”, birt inn á Samráðsgátt stjórnvalda og opnað fyrir umsagnir um áformin. Í þessum áformum er opnað fyrir möguleika á gjaldskyldu í öllum jarðgöngum landsins. Sigríður Ingvarsdóttir bæjarstjóri Fjallabyggðar sendi inn umsögn fyrir hönd bæjarstjórnar Fjallabyggðar. Sigríður Ingvarsdóttir bæjarstjóri hefur einnig sent inn umsögn, fyrir hönd bæjarstjórnar Fjallabyggðar, um drög að frumvarpi til laga um sýslumenn.

Áfram verður nemendum í 1.-4. bekk gefinn kostur á Frístund strax að loknum skólatíma kl. 13.35 – 14.35. Frístund er frístundastarf, samstarfsverkefni Fjallabyggðar, íþróttafélaga, tónlistarskólans og grunnskólans.

Óprúttinn aðili/ar hafa unnið skemmdaverk á tjaldsvæðum Fjallabyggðar á Siglufirði síðustu daga. Um er að ræða krot með tússpenna sem ekki er gott að fjarlægja. Ekki er vitað hver var að verki en biðlum við til íbúa og gesta að ganga vel um bæinn.

Trilludagar verða á Siglufirði 23. júlí nk. Á Trilludögum finna allir eitthvað við sitt hæfi. Gestum verður boðið á sjóstöng og í útsýnissiglingu út á fjörðinn fagra. Kiwanismenn standa grillvaktina þar sem öllum verður boðið að smakka dýrindis fisk beint úr hafi. Skemmtileg afþreying bæði á sjó og landi fyrir börnin, hoppukastalar verða á Rauðkutúni. Tónlistin mun svo óma af Trillusviði yfir daginn.

Bæjarskrifstofa Fjallabyggðar verður lokuð vegna sumarleyfa starfsmanna frá 25. júlí til og með 5. ágúst.

Nöfn umsækjenda um stöðu bæjarstjóra Fjallabyggðar. 22 sóttu um stöðu bæjarstjóra Fjallabyggðar sem auglýst var laus til umsóknar. Átta drógu umsókn sína til baka og því eru birt nöfn 14 umsækjenda. Umsækjendur eru þessir í stafrófsröð:

Í tilefni 10 ára afmælis menningarstarfs í Alþýðuhúsinu á Siglufirði í umsjá Aðalheiðar S. Eysteinsdóttur verður efnt til listahátíðar um allan bæ með þátttöku ýmissa menningaraðila og listamanna. Alþýðuhúsið mun standa fyrir fjölda listviðburða sem munu endurspegla þá grósku og fjölbreytni menningarstarfsins í 10 ár. Þar koma fram listamenn sem hafa í gegnum árin verið gjöfulir á list sína í okkar samfélagi og einnig aðrir sem leggja sitt af mörkum í fyrsta sinn. Dagskráin er þétt skipuð og blandast á hverjum degi viðburðir frá Alþýðuhúsinu og þeir sem aðrir menningaraðilar skipuleggja þannig að úr verður mikil veisla lista.

Sigríður Ingvarsdóttir hefur verið ráðin bæjarstjóri Fjallabyggðar fyrir kjörtímabilið 2022 til 2026. Alls sóttu 22 einstaklingar um starfið, 8 umsækjendur drógu umsóknir sínar taka baka. Sigríður er fyrrverandi forstjóri Nýsköpunarmiðstöðvar Íslands, eins hefur hún átt sæti á Alþingi og setið í bæjarstjórn á árum áður.