Fréttir

Á síðast bæjarstjórnarfundi var fundargerð sameiningarnefndar samþykkt og þar með ákveðið  að bjóða öllum íþróttafélögum, félagasamtökum og söfnum  Fjallabyggðar uppá fría heimasíðu undir heimasíðunni www.fjallabyggd.is . Þeir sem hafa áhuga munu fá afhentan aðgang að undirsíðu undir www.fjallabyggd.is.

Viltu koma að stefnumótun list- og menningarmála í Fjallabyggð? Öll félög og einstaklingar tengdir menningarstarfsemi í Fjallabyggð hvort sem er í tónlist, myndlist, leiklist eða handverki, ljósmyndarar, meðlimir kóra og starfsmenn gallería eða safna eru hvattir til þátttöku. Allir þeir sem áhuga hafa á málaflokknum eru einnig velkomnir. Markmiðið er að móta heildstæða, sameiginlega sýn og stefnu í menningarmálum Fjallabyggðar og er þessi fundur fyrsta skrefið í þá átt.

N4 Sjónvarp Norðurlands hóf útsendingar á landsvísu þann 12. mars. N4 verður á dreifikerfi Digital Ísland á rás 15 og verður fyrsta sjónvarpsstöðin á landsbyggðinni til að hefja útsendingar á landsvísu. Eins og íbúar Fjallabyggðar vita náum við hér í Fjallabyggð takmörkuðum fjölda rása Digital Íslands og munum við því ekki ná útsendingum N4 enn um sinn að minnsta kosti.

Árný Ósk Árnadóttir fyrrverandi nemandi Grunnskóla Ólafsfjarðar vann nýverið til verðlauna í stuttmyndasamkeppni meðal nemenda í Menntaskólanum á Akureyri. Árný keppti ásamt tveimur bekkjarfélögum sínum í fjölmiðlafræði MA með myndina „Eru draugar í Menntaskólanum á Akureyri“.  Myndin var sýnd síðast þriðjudag í heild sinni í þættinum Að norðan á sjónvarpsstöðinni N4. Á heimasíðu N4 er hægt að horfa á þáttinn í vefsjónvarpi. http://n4.is/video/one/?id=12

Sýning á “Tveggja Þjónn” sem vera átti í kvöld kl. 20:30 fellur niður vegna veikinda.