Fréttir

Þeir unglingar sem hafa skráð sig í vinnuskóla Fjallabyggðar eiga að mæta mánudaginn 8. júní* nk. kl. 8:30 í áhaldahúsið.

Dagskrá sjómannadagsins í Ólafsfirði er klár. Hana má finna hér

Vinnuskóli og áhaldahús Fjallabyggðar bjóða ellilífeyrisþegum og öryrkjum upp á garðslátt í heimagörðum. Þeir sem hyggjast nýta sér þessa þjónustu skrái niður nafn og heimilisfang: Ólafsfjörður á bæjarskrifstofu (464-9200) Siglufjörður í Ráðhúsi (464-9100)

Fjármálaráðherra hefur, fyrir hönd íslenska ríkisins, afhent óbyggðanefnd kröfur sínar um þjóðlendur á vestanverðu Norðurlandi þ.e. Tröllaskaga. Óbyggðanefnd kallar nú eftir kröfum þeirra sem þar kunna að eiga öndverðra hagsmuna að gæta. Frestur til að lýsa gagnkröfum í þau landsvæði sem þjóðlendukrafan tekur til rennur út þriðjudaginn 25. ágúst nk.

Fjallabyggð og tjaldstæði Fjallabyggðar eru samstarfaðilar Útilegukortsins ehf. Nú er útilegukortið 2009 er klárt og er það til sölu á skrifstofum Fjallabyggðar.  

Af gefnu tilefni, viljum við minna íbúa á að sækja um byggingarleyfi til skipulags- og umhverfisnefndar áður en hafist er handa við að reisa háa skjólveggi eða aðrar breytingar á viðmóti húsa.

Íþróttabandalag Siglufjarðar og Ungmenna- og íþróttasamband Ólafsfjarðar hafa verið sameinuð í Ungmenna- og íþróttasamband Fjallabyggðar.

Um 40 manns mættu á íbúaþing sem haldið var í dag og ræddu málefni samfélagsins og sveitarfélagsins.

Búið er að setja upp síðu með upplýsingum um íbúaþingið "Horft til framtíðar" og ýmsu efni sem þátttakendur geta nýtt sér til að undirbúa sig fyrir þingið. Þar er m.a. að finna tengla á upplýsingar um fjárhag sveitarfélagsins, stefnur, skipulagsgögn og skýrslur um sveitarfélagið.