Fréttir

Í gær, mánudaginn 5. janúar færði Kristján H. Jónsson fyrrverandi forstöðumaður Hornbrekku heimilinu málverkið Vor að gjöf. Kristján var forstöðumaður Hornbrekku frá stofnun 1982 til 1998. Verkið er eftir Ólafsfirðinginn Freyju Dönu, sem nýlega hélt málverkasýningu í Ólafsfirð og  er unnið með hliðsjón af ljósmyndum frá vorinu 1961 og er af Pálínu Jóhannsdóttur í garðinum við Syðstabæ, Ólafsfirði.  

Fjallaleiðsögumaðurinn Jökull Bergmann frá klængshóli í Skíðadal hefur sett í loftið nýja heimasíðu fyrir fjallaleiðsögufyrirtækið sitt Bergmenn - Fjallaleiðsögumenn. Þarna er samankomið eitt besta safn ljósmynda og efnis um fjallamennsku hverskonar á Íslandi og Tröllaskaganum en þó með sérstakri áherslu á fjallaskíðaferðir, þyrluskíðun, ísklifur og Alpaferðir.

Námskeið í félagsmálafræðslu á Siglufirði 14. janúar. Námskeið í félagsmálafræðslu verður haldið í íþróttamiðstöðinni Hóli 14.janúar. Námskeiðið hefst klukkan 18:00 og stendur til 22:00. Námskeiðsgjald er 5000 krónur.

Menningarráð Eyþings í samstarfi við menntamálaráðuneytið, Norræna húsið, Norrænu upplýsingaskrifstofuna á Akureyri og Hvalasafnið á Húsavík boða til kynningarfundar um norrænt samstarf og norræna menningarsjóði.Fundurinn verður haldinn í Hvalasafninu á Húsavík föstudaginn 9. janúar  kl. 10.30 – 14.30

Ólafsfjarðarleikarnir verða haldnir 2. janúar. 12 ára og yngri mótið verður klukkan 15:00-18:00 og boðsmótið fyrir meistaraflokkinn verður haldið sama kvöld klukkan 17:30.

Um áramót þarf að endurnýja allar umsóknir um húsaleigubætur, sbr. 4. gr. reglugerðar um húsaleigubætur nr. 118 frá 2003.  Umsækjendum er bent á að nálgast umsóknareyðublöð á bæjarskrifstofum Fjallabyggðar á Ólafsfirði og á Siglufirði eða á heimasíðu sveitarfélagsins, http://fjallabyggd.is/is/page/husaleigubaetur/

Ólafsfirðingurinn Freyja Dana sýnir Æskuminningar. Þegar alltaf var sólskin, öryggi og ást í Listhúsinu, Ægisgötu 10, Ólafsfirði 3. og 4. janúar, 2009 kl. 14 til 17 báða dagana.

Hlutverk Æskulýðssjóðs er að styrkja eftirtalin verkefni á vegum æskulýðsfélaga og æskulýðssamtaka. Með æskulýðsstarfi er átt við skipulagða félags- og tómstundastarfsemi þar sem börn og ungmenni starfa saman í frístundum sínum að hugsjónum, markmiðum og áhugamálum sem þau sjálf meta að verðleikum.