Fréttir

Í morgun komu þeir Valtýr og Jóhann Sigurðssynir og færðu Listasafni Fjallabyggðar að gjöf, málverk af föður sínum, Sigurði Jónssyni. Það voru þau Gunnar I. Birgisson, bæjarstjóri og Steinunn María Sveinsdóttir, formaður bæjarráðs sem veittu gjöfinni viðtöku. Myndina málaði Einar Hákonarson árið 1989.

Nú er lokið við að þökuleggja tjaldsvæðið í Ólafsfirði. Í framhaldinu verður hellulagður göngustígur milli tjarnarinnar og íþróttamiðstöðvarinnar.

Olga Vocal Ensemble mun halda tónleika í Tjarnarborg í Fjallabyggð sunnudaginn 26. júlí kl. 20:00.

Á heimasíðu Síldaminjasafnsins má sjá frétt þar sem sagt er frá því að þann 1. júlí sl. voru eitt hundrað ár liðin síðan slökkvilið Siglufjarðar var stofnað. Slökkviliðsstjóri hjá Fjallabyggð í dag er Ámundi Gunnarsson, eða Ámi brunavörður og er hann "því meir elskaður af samborgurm sínum sem hann hefur sig minna í frammi" eins og segir í frétt Síldaminjasafnsins.

Það er óhætt að segja að dagskrá Þjóðlagahátíðar sé fjölbreytt í dag, laugardaginn 4. júlí. Dagskráin hefst kl. 10:00 í húsakynnum grunnskólans við Norðurgötu, Siglufirði. Þar verður stiginn dans, bæði skoskir og norrænir þjóðdansar. Síðan rekur hver viðburðinn annan og endar á dansleik á Allanum kl. 23:00.

Starfsemi Ljóðaseturs Íslands er komin á fullt þetta sumarið. Opið verður á setrinu milli kl. 14:00 - 17:30 alla daga vikunnar. Lifandi viðburðir verða alla daga kl. 16:00 þar sem eigandinn Þórarinn Hannesson ásamt hinum ýmsu listamönnum munu flytja ljóð, kveðast á og einnig syngja.

Vegna bilunar á kaldavatnslögn í Eyrargötu á Siglufirði er truflun á rennsli í húsum á Eyrinni. Unnið er að viðgerð.

26. júní sl. úthlutaði Uppbyggingarsjóður Norðurlands eystra, 74,2 milljónum króna til menningar, atvinnuþróunar og nýsköpunar á starfssvæði Eyþings.

Þjóðlagahátíð á Siglufirði hefst formlega í dag kl. 13:00 þegar safnast verður saman á Ráðhústorginu og gengið á fjall ofan við Siglufjörð.

Þann 29. maí sl. auglýsti Fjallabyggð á heimasíðunni sinni eftir umsjónarmanni fyrir Menningarhúsið Tjarnarborg. Umsóknarfrestur rann út þann 12. júní sl. 6 umsóknir bárust.