Fréttir

FUNDARBOÐ - Gerð hefur verið breyting á fundartíma og fundarstað 111. bæjarstjórnarfundar. Fundurinn verður haldinn fimmtudaginn 15. janúar (ekki miðvikudaginn 14. janúar) og í Menningarhúsinu Tjarnarborg (ekki Ráðhúsinu). 111. fundur Bæjarstjórnar Fjallabyggðar verður haldinn í Menningarhúsinu Tjarnaborg, Ólafsfirði,15. janúar 2015 og hefst kl. 17:00

Skipulagsstofnun kynnir auglýsta tillögu að Landsskipulagsstefnu 2015-2026 á opnum fundi á Hótel Kea þann 21. janúar kl. 15:00 - 17:00.  Á fundinum verður tillagan kynnt auk þess sem að fjallað verður sérstaklega um framfylgd landsskipulagsstefnu í skipulagsgerð sveitarfélaga svo sem við endurskoðun aðalskipulags.

Bókasafn Fjallabyggðar var að fá í hús þær bækur sem eru á bókalista Menntaskólans við Tröllaskaga og verða þær tilbúnar til útláns seinna í dag. Þar má nefna „Öldin öfgafulla“, „Fornir tímar“ kjörbækur í íslensku, ensku og dönsku og margt fleira.

Eyrarrósin verður veitt í ellefta sinn í mars næstkomandi, fyrir framúrskarandi menningarverkefni á starfssvæði Byggðastofnunar. Markmið viðurkenningarinnar er að beina sjónum að og hvetja til menningarlegrar fjölbreytni, nýsköpunar og uppbyggingar á sviði menningar og lista.

Nú fara hannyrðakvöldin á Bókasafni Fjallabyggðar á Siglufirði að hefjast eftir jólafrí. Fyrsti hittingur er á morgun, þriðjudaginn 13. janúar, frá kl. 20:00-22:00 og eins og áður verða þau annan hvern þriðjudag fram á vorið. Minnt er á að safnið er opið á sama tíma.

Meirihluti bæjarstjórnar Fjallabyggðar hefur ákveðið að ráða Gunnar I. Birgisson sem nýjan bæjarstjóra sveitarfélagsins. Gunnar tekur við af Sigurði Val Ásbjarnarsyni, sem óskaði eftir að láta af störfum af persónulegum ástæðum. Gunnar hefur mikla reynslu af sveitarstjórnarmálum og var bæjarstjóri í Kópavogi til fjölda ára.

Sigurður Valur Ásbjarnarson bæjarstjóri Fjallabyggðar hefur óskað eftir að láta af störfum sem bæjarstjóri sveitarfélagsins af persónulegum ástæðum. Sigurður hefur verið bæjarstjóri Fjallabyggðar frá árinu 2010. Starfslokin eru gerð í fullri sátt við bæjarstjórn og er Sigurði þakkað fyrir vel unnin störf og honum og fjölskyldu hans óskað velfarnaðar í framtíðinni.

111. fundur bæjarstjórnar verður haldinn í Ráðhúsi Fjallabyggðar, Gránugötu 24, Siglufirði, 14. janúar kl. 17:00.

Íslenska Gámafélagið hefur birt sorphirðudagatal fyrir Fjallabyggð árið 2015. Dagatalið má nálgast hér á heimasíðunni. Eru íbúar hvattir til að kynna sér það vel. Á þessum tíma árs er mikilvægt að gætt sé að því að gott aðgengi sé að tunnunum svo auðveldlega gangi fyrir starfsmenn gámafélagsins að tæma þær.

Ragnheiður Elín Árnadóttir iðnaðar- og viðskiptaráðherra heldur fund um náttúrupassann miðvikudaginn 7. janúar kl 16:30-18:00. Fundurinn verður á Icelandair hótelinu á Akureyri og eru allir áhugaaðilar um hagsmuni norðlenskrar ferðaþjónustu hvattir til að mæta og kynna sér málin. Markaðsstofa Norðurlands stendur fyrir fundinum.