Hefur þú áhuga á að halda sumar­námskeið fyrir börn í Fjallabyggð

Hefur þú áhuga á að halda sumar­námskeið fyrir börn í Fjallabyggð?

Fjallabyggð hvetur skapandi og áhugasama aðila til að halda fjölbreytt og skemmtileg námskeið fyrir börn í sumar!

Hvatt er til námskeiða á sviði lista, leiklistar, útivistar, handverks, íþrótta eða hvað annað sem börn kunna að njóta.

Hægt er að gera samning við Fjallabyggð um að börn geti nýtt frístundastyrk upp í námskeiðsgjöld.

Í fjárhagsáætlun ársins er gert ráð fyrir að Fjallabyggð geti styrkt sumarnámskeið barna með svo kölluðum pop-up styrk.

Skilyrði fyrir styrk er meðal annars að námskeiðið sé haldið í Fjallabyggð og sé fyrir börn á grunnskólaaldri. Einnig er horft til lengd námskeiða og kostnaðaráætlunar.

Sendu inn hugmynd eða fáðu frekari upplýsingar hjá frístundafulltrúa Fjallabyggðar, í gegnum netfangið salka@fjallabyggð.is.

Tökum höndum saman og búum til gleðilegt og uppbyggilegt sumar fyrir börnin í Fjallabyggð!