Hafnarvörður Fjallabyggðarhafna – laust starf til umsóknar

Fjallabyggðarhafnir auglýsa laust til umsóknar starf hafnarvarðar við hafnir Fjallabyggðar. Um er að ræða 100% starf og er upphaf starfs samkomulagsatriði en æskilegt að viðkomandi geti hafið störf sem fyrst.

Starfssvið og helstu verkefni:

• Dagleg umsjón, eftirlit og viðhald á hafnarsvæðum
• Daglegt eftirlit með skipum, móttaka þeirra, leiðsögn, skráning og afgreiðsla
• Vigtun afla
• Skráning og skil upplýsinga til reikningagerðar skv. gjaldskrá
• Almenn viðhaldsverkefni og þrif
• Önnur verkefni sem viðkomandi er falið af næsta yfirmanni

Hæfniskröfur:

• Tölvukunnátta, almenn menntun sem nýtist í starfi, skipulögð vinnubrögð, sjálfstæði, ákveðni, lipurð í mannlegum samskiptum og góð þjónustulund.
• Æskilegt er að viðkomandi hafi löggildingu vigtarmanns
• Hreint sakarvottorð
• Gott vald á ensku og önnur tungumálakunnátta er kostur
• Staðgóð þekking á Fjallabyggðarhöfnum er kostur
• Gilt ökuskírteini

Vegna eðli starfsins er mikilvægt að viðkomandi búi á starfssvæði hafnanna.

Laun eru samkvæmt gildandi kjarasamningum Sambands íslenskra sveitarfélaga við viðkomandi stéttarfélag.

Umsóknum með upplýsingum um menntun og starfsferil skal skilað á netfangið fjallabyggd@fjallabyggd.is, merkt „Hafnarvörður“ og er umsóknarfrestur til og með 27.febrúar n.k.

Nánari upplýsingar gefur hafnarstjóri, Þórir Hákonarson, í gegnum póstfangið thorirh@fjallabyggd.is