Skipulags- og umhverfisnefnd Fjallabyggðar

Árni Grétar Árnason f.h. Rarik ohf. sækir um framlengingu á stöðuleyfi á bráðabirgðaspennistöð sem stendur á horni Hávegs og Hverfisgötu á Siglufirði. Búið var að veita leyfi til 30. júní 2014, en nú er sótt um framlengingu um eitt ár til viðbótar, eða til 30. júní 2015 vegna þess að ekki hefur enn fundist lausn fyrir varanlega spennistöð.

Nefndin ítrekar afstöðu sína frá 160. fundi þar sem óskað var eftir að gerð yrði tillaga þar sem spennistöðin væri felld inn í landið á öllum hliðum nema framhlið. Nefndin hafnar framlengingu stöðuleyfis að svo stöddu og ítrekar að varanleg lausn verði lögð fram fyrir 30. júní.

Sóknarnefnd Siglufjarðarkirkju sækir um leyfi fyrir neyðarútgangi úr safnaðarheimili Siglufjarðarkirkju samkvæmt meðfylgjandi teikningum.

Erindi samþykkt.

Á 144. fundi nefndarinnar var Arnari Ingólfssyni, eiganda Suðurgötu 58 á Siglufirði veitt leyfi fyrir byggingu sólskála með fyrirvara um að fullnægjandi teikningar og skráningartafla bærust.

Fullnægjandi teikningar og skráningartafla hafa nú borist og er byggingarleyfi veitt.

Stefán Kristinn Ólafsson, lóðarhafi Hólkots 13, sækir um leyfi fyrir byggingu sumarbústaðar á lóð sinni samkvæmt meðfylgjandi teikningum.

Erindi samþykkt.

Gunnar L. Jóhannsson sækir um leyfi fyrir byggingu gróðurhúss í Hlíð í Ólafsfirði samkvæmt meðfylgjandi teikningum.

Erindi samþykkt.

Gunnar St. Ólafsson f.h. Rauðku ehf. sækir um leyfi fyrir byggingu tengigangs á milli húsanna Gránugötu 23 og 25, þ.e. Hannes Boy og Bláa hússins samkvæmt meðfylgjandi teikningum.

Erindi samþykkt.

Brynjar Harðarson f.h. Genís hf. sækir um leyfi til útlitsbreytinga á Gránugötu 15 samkvæmt meðfylgjandi greinargerð og teikningum.

Nefndin tekur vel í erindið og samþykkir, með fyrirvara um að fullnægjandi aðaluppdrættir berist þar sem staðsetningu hurða og glugga er breytt.

Árni Grétar Árnason f.h. Rarik ohf. sækir um leyfi fyrir staðsetningu jarðspennistöðvar vegna heimtaugar sem þarf að leggja að Snorragötu 3. Fyrirhuguð staðsetning er norðan við Snorragötu 8.

Erindi samþykkt.

Hreinn Bernharðsson, eigandi Hornbrekkuvegar 14 í Ólafsfirði sækir um leyfi til að klæða húsið ásamt bílskúr að utan með lituðu bárustáli.

Erindi samþykkt.

Jónas Sigurðsson f.h. Fasteignafélagsins JS ehf. sækir um stöðuleyfi fyrir 20 feta gám norðan við Gránugötu 5b.

Nefndin samþykkir stöðuleyfi í eitt ár og leggur til við tæknideild að hún endurskoði stöðuleyfisveitingar gáma með það að markmiði að gámar séu staðsettir á skipulögðum gámasvæðum í framtíðinni.

Haukur Sigurðsson f.h. Trésmiðju Hauks sækir um stöðuleyfi fyrir 40 feta gám sem staðsettur er við Pálsbergsgötu 1.

Nefndin samþykkir stöðuleyfi í eitt ár og leggur til við tæknideild að hún endurskoði stöðuleyfisveitingar gáma með það að markmiði að gámar séu staðsettir á skipulögðum gámasvæðum í framtíðinni.

Málþing um úrgangsmál á Norðurlandi verður haldið á Akureyri þann 14. mars.

Frá Fjallabyggð mætir tæknifulltrúi sveitarfélagsins.

Lagðir fram til kynningar lóðarleigusamningar á jörðinni Þverá í Ólafsfirði fyrir lóðirnar Þverá 5, 7, 9 og 11.

Lagt fram til kynningar.

Niðurstaða fyrir hreinlætismál á árinu er 13,4 millj. kr. sem er 90% af áætlun tímabilsins sem var 14,9 millj. kr.

Niðurstaða fyrir skipulags- og byggingarmál á árinu er 25,3 millj. kr. sem er 85% af áætlun tímabilsins sem var 29,8 millj. kr.

Niðurstaða fyrir umhverfis- og samgöngumál á árinu er 101,4 millj. kr. sem er 95% af áætlun tímabilsins sem var 106,9 millj. kr.

Niðurstaða fyrir umhverfismál á árinu er 52,8 millj. kr. sem er 91% af áætlun tímabilsins sem var 57,9 millj. kr.

Niðurstaða fyrir eignasjóð á árinu er -79,2 millj. kr. sem er 144% af áætlun tímabilsins sem var -54,9 millj. kr.

Niðurstaða fyrir veitustofnun á árinu er 23,1 millj. kr. sem er 80% af áætlun tímabilsins sem var 28,8 millj. kr.