Fræðslu- og frístundanefnd Fjallabyggðar

Nefndarmenn ræddu framtíðarsýn og möguleika á að efla og auka fjölbreytni í frístundastarfi barna og ungmenna í Fjallabyggð. Meðal annars var rætt um að nýta betur þekkingu og hæfileika skapandi fólks í samfélaginu til námskeiðahalds, mögulegt samstarf við ýmsa aðila sem bjóða upp á afþreyingu og tómstundastarf.

Nefndin telur mikilvægt að kortleggja með skýrum hætti hvaða frístunda- og tómstundastarf er í boði, hver þátttakan er og hvernig frístundastyrkur sveitarfélagsins nýtist og dreifist milli ólíkra greina og starfsemi. Jafnframt verði skoðað hvaða afþreying og námskeið eru í boði í nágrannasveitarfélögum og hvort tækifæri séu til samstarfs eða til að byggja upp sambærilegt framboð í Fjallabyggð.

Lagt er til að kallað verði eftir samtali við þá aðila sem nú þegar standa að íþrótta-, frístunda- og tómstundastarfi fyrir börn og ungmenni og niðurstöðurnar nýttar við áframhaldandi stefnumótun nefndarinnar.

Gjaldskrá vegna Neon, grunnskólans og íþróttamiðstöðvar samþykktar en samþykkt gjaldskrár leikskólans frestað.