Fræðslu- og frístundanefnd Fjallabyggðar

92. fundur 23. nóvember 2020 kl. 16:15 - 17:30 í fjarfundi
Nefndarmenn
  • S. Guðrún Hauksdóttir formaður, D lista
  • Hólmar Hákon Óðinsson varaformaður I lista
  • Tómas A. Einarsson varamaður, D lista
  • Guðrún Linda Rafnsdóttir aðalmaður, I lista
  • Diljá Helgadóttir aðalmaður, H lista
Starfsmenn
  • Ríkey Sigurbjörnsdóttir deildarstjóri fræðslu- frístunda- og menningarmála
Fundargerð ritaði: Ríkey Sigurbjörnsdóttir deildarstjóri fræðslu- frístunda og menningarmála

1.Fjárhagsáætlun 2021 - Tillaga að fjárhagsáætlun

Málsnúmer 2007004Vakta málsnúmer

Undir þessum lið sátu Haukur Sigurðsson forstöðumaður íþróttamannvirkja, Erla Gunnlaugsdóttir skólastjóri Grunnskóla Fjallabyggðar, Halldóra María Elíasdóttir fulltrúi kennara grunnskólans, Olga Gísladóttir skólastjóri Leikskóla Fjallabyggðar og Fanney Jónsdóttir fulltrúi starfsmanna leikskólans. Fulltrúar stofnana sátu undir þeim hluta þessa dagskrárliðs sem tilheyrði þeirra stofnun og fóru yfir helstu atriði.

Við gerð fjárhagsáætunar 2021 unnu minni og meirihluti fræðslu- og frístundanefndar saman og þakkar formaður nefndarmönnum fyrir góða samvinnu.

Fræðslu- og frístundanefnd samþykkir drög að fjárhagsáætlun 2021 fyrir sitt leyti og vísar til afgreiðslu bæjarstjórnar.

2.Gjaldskrár 2021

Málsnúmer 2009064Vakta málsnúmer

Drög að gjaldskrám íþróttamiðstöðvar, grunnskóla og leikskóla lögð fram til kynningar. Almennar gjaldskrárhækkanir eru 2,8%. Í tillögu að gjaldskrá ársins 2021 fyrir Leikskóla Fjallabyggðar er verð á morgun-, hádegis- og síðdegisverði óbreytt frá gildandi gjaldskrá. Í tillögu að gjaldskrá ársins 2021 fyrir Grunnskóla Fjallabyggðar er ekki gert ráð fyrir hækkun á verði skólamáltíða og mjólkuráskriftar.

Líkamsrækt og sund er áfram gjaldfrjálst fyrir öryrkja gegn framvísun örorkuskírteinis og 67 ára og eldri íbúa Fjallabyggðar. Áfram verður frítt í sund fyrir börn yngri en 10 ára búsett í sveitarfélaginu.

Fundi slitið - kl. 17:30.