Bæjarráð Fjallabyggðar

330. fundur 28. janúar 2014 kl. 17:00 - 19:00 á bæjarskrifstofum Ólafsvegi 4, Ólafsfirði
Nefndarmenn
  • Þorbjörn Sigurðsson formaður
  • Helga Helgadóttir aðalmaður
  • Egill Rögnvaldsson aðalmaður
  • Sigurður V Ásbjarnarson bæjarstjóri
Fundargerð ritaði: Sigurður Valur Ásbjarnarson bæjarstjóri

1.Beiðni um niðurfellingu fasteignagjalda vegna Tjarnargötu 8,Siglufirði

Málsnúmer 1401084Vakta málsnúmer

Stjórn Herhúsfélagsins fer þess á leit við bæjarráð að fasteignagjöld af Gránufélagshúsinu, Tjarnargötu 8 verði felld niður á meðan endurbygging hússins stendur yfir.

Bæjarráð leggur til við bæjarstjórn að samþykktur verði styrkur til að mæta álögðum gjöldum á árinu 2014, að upphæð kr. 164.705.-,  enda fari fyrirhugaðar endurbætur af stað á árinu.

 

Samþykkt samhljóða.

2.Beiðni um styrk til nýsköpunarkennslu í grunnskólum landsins

Málsnúmer 1401090Vakta málsnúmer

Nýsköpunarkeppni grunnskólanemenda hvetur til nýsköpunarkennslu í grunnskólum landsins. Mennta- og menningarmálaráðuneytið styrkir verkefnið um 5 milljónir króna sem nemur um 55% af kostnaðaráætlun. Sveitarfélög eru hvött til að sýna stuðning við verkefnið.


Lagt fram til kynningar.

3.Málefni Leyningsáss ses.

Málsnúmer 1206038Vakta málsnúmer

Lagt fram minnisblað frá fundi Rauðku ehf með fulltrúum bæjarfélagsins þann 17. janúar s.l.

Tvö mál voru tekin til umræðu. 1. Miðbær Siglufjarðar og uppfylling við innri höfnina.

Niðurstaða fundarins var að áhersla er lögð á útivistargildi á uppfyllingunni og var ákveðið að fá Edwin Roald og Ármann Viðar til að koma fram með hugmyndir um nýtingu beggja svæðanna sem síðan yrðu til frekari þróunar og útfærslu.

 

Lagt fram til kynningar. 

4.Svæðisskipulag Eyjafjarðar 2012-2024

Málsnúmer 1110001Vakta málsnúmer

Svæðisskipulagsnefnd Eyjafjarðar telur brýnt að þau sveitarfélög sem aðild eiga að nefndinni, finni nefndinni fastan samastað á sameiginlegum starfsvettvangi sveitarfélaganna.
Nefndin leggur til að sá vettvangur verði Atvinnuþróunarfélag Eyjafjarðar bs. og að skrifstofa þess annist umsýslu vegna nefndarinnar.

 

Bæjarráð leggur til við bæjarstjórn að tillagan verði samþykkt.

5.Verkefnið "Sjálfstyrking stúlkna"

Málsnúmer 1401077Vakta málsnúmer

Starfsmenn grunnskólans óska eftir styrk til að koma á námskeiði fyrir stúlkur á aldrinum 11 - 16 ára til sjálfstyrkingar.

Bæjarráð samþykkir styrk að upphæð kr. 65.000.-.
Bæjarráð leggur áherslu á að sambærilegt námsskeið verði i boði fyrir drengi.


Samþykkt samhljóða.

6.Trúnaðarmál - starfsmannamál

Málsnúmer 1401042Vakta málsnúmer

Niðurstaða bæjarráðs er skráð sem trúnaðarmál.

7.Trúnaðarmál - starfsmannamál

Málsnúmer 1401112Vakta málsnúmer

Niðurstaða bæjarráðs er skráð sem trúnaðarmál.

8.Til umsagnar - Frumvarp til laga um breytingu á lögum nr. 92/2002 - 249. mál

Málsnúmer 1401091Vakta málsnúmer

Lagt fram til kynningar.

9.Snjóathugunarmaður í Ólafsfirði

Málsnúmer 1401089Vakta málsnúmer

Veðurstofan hefur ráðið nýjan snjóathugunarmann á Ólafsfirði og er það Tómas Atli Einarsson.

Bæjarráð lýsir yfir ánægju sinni með þá ákvörðun um leið og hún þakkar fyrrum starfsmanni Ara Eðvaldssyni fyrir góð störf fyrir íbúa Fjallabyggðar.


Samþykkt samhljóða.

10.Breytingar á lóðarblöðum - rif á fasteignum Síldarvinnslunnar

Málsnúmer 1401065Vakta málsnúmer

Lagðar fram til kynningar undirritaðar og samþykktar lóðarmarkabreytingar vegna Verksmiðjureits 1 á Þormóðseyri.

11.Grunnskóli Norðurgötu,

Málsnúmer 1401083Vakta málsnúmer

Bréf bæjarstjóra er varðar tilboð í framkvæmdir við Grunnskóla Norðurgötu, lagt fram til kynningar.

12.Byggðasamlag um málefni fatlaðra

Málsnúmer 1312030Vakta málsnúmer

Lögð fram til kynningar dagskrá stofnfundar Byggðasamlags um málefni fatlaðs fólks, sem haldinn verður á Sauðárkróki miðvikudaginn 29. janúar 2014.

Lögð var fram tillaga um breytingar í skipan í stjórn samlagsins.

Ingvar Erlingsson, aðalmaður

Margrét Ósk Harðardóttir, varamaður


Samþykkt samhljóða.

13.Grunnskóli Norðurgötu, verksamningur

Málsnúmer 1401108Vakta málsnúmer

Lagður fram til kynningar undirritaður verksamningur við Tréverk ehf.

Heildarupphæð samningsins eftir yfirferð og leiðréttingar er 146.843.633.-, en leiðrétt kostnaðaráætlun er 149.187.882.-.

Fulltrúar meirihluta bæjarráðs fagna undirritun samninga, enda er lögð áhersla á að framkvæmdum verði lokið fyrir næsta skólaár.

Fundi slitið - kl. 19:00.