Bæjarráð Fjallabyggðar

237. fundur 22. nóvember 2011 kl. 16:00 - 19:00 í ráðhúsinu á Siglufirði
Nefndarmenn
  • Ólafur Helgi Marteinsson formaður
  • Bjarkey Gunnarsdóttir aðalmaður
  • Egill Rögnvaldsson aðalmaður
  • Sigurður V Ásbjarnarson bæjarstjóri
  • Ólafur Þór Ólafsson skrifstofu- og fjármálastjóri
Fundargerð ritaði: Ólafur Þór Ólafsson skrifstofu- og fjármálastjóri

1.Áskorun - Ósk um lausn á vanda líkamsræktarstöðvarinnar í Ólafsfirði

Málsnúmer 1010091Vakta málsnúmer

Lagðar fram tillögur um að byggja 60 m2 viðbyggingu við gömlu búnings og gufuaðstöðuna í Ólafsfirði.

Núverandi húsakostur er óviðunandi, mikil þrengsli og lítil lofthæð. Gróf kostnaðaráætlun gefur til kynna að kostnaður við umbeðnar úrbætur verði um 10 m.kr. Einnig eru lagðir fram útreikningar á tekjuaukningu staðarins og er gert ráð fyrir að framkvæmdin skili bæjarfélaginu hagnaði eftir 7 ár.

Bæjarráð leggur til við bæjarstjórn að umræddar tillögur verði teknar til skoðunar um leið og byggingarframkvæmdum við grunnskóla Fjallabyggðar er lokið.

2.Boðun skaðabótakröfu vegna tjóns - Beiðni um afstöðu til bótaábyrgðar

Málsnúmer 1111016Vakta málsnúmer

Benedikt Ólafsson hrl. hefur tekið að sér að gæta hagsmuna Guðrúnar Elísabetar Víglundsdóttur gagnvart Fjallabyggð, en hún varð fyrir slysi kvöldið 13. september 2011 við Hrannarbyggð 18 í Ólafsfirði.

Bæjarstjóri upplýsti bæjarráð að málið væri til skoðunar hjá lögmönnum bæjarfélagsins.

3.Stofnfundur Sambands orkusveitarfélaga

Málsnúmer 1111058Vakta málsnúmer

Lagt fram til kynningar - áður afgreitt.

4.Umsókn um styrk vegna Eldvarnarátaks 2011

Málsnúmer 1111056Vakta málsnúmer

Slökkviliðs- og sjúkraflutningsmenn munu heimsækja nemendur í þriðja bekk grunnskóla Fjallabyggðar 18.- 25. nóvember n.k.

Ræða þeir við nemendur um eldvarnir og afhenda vandað fræðsluefni um eldvarnir. Óskað er eftir fjárframlagi til að leggja eldvarnarátakinu lið.

Bæjarráð samþykkir framlag til verkefnisins, hið sama og á síðasta ári eða 15 þúsund krónur.

5.Ársreikningur 2010 - Finnurinn ehf

Málsnúmer 1109043Vakta málsnúmer

Lagður er fram til samþykktar ársreikningur fyrir árið 2010. Bæjarráð leggur til við bæjarstjórn að samningurinn verði samþykktur.

Bæjarráð felur bæjarstjóra að undirrita umræddan ársreikning fyrir árið 2010.

6.Fjárhagsáætlun 2012

Málsnúmer 1109161Vakta málsnúmer

Bæjarstjóri fór yfir tillögu að fjárhagsáætlun fyrir Hafnarsjóð.

Bæjarráð gerir ekki athugasemd við tillögu hafnarstjóra og samþykkir að vísa tillögunni til umfjöllunar í hafnarstjórn.
Skrifstofu- og fjármálastjóri fór yfir tillögu að fjárhagsáætlun fyrir Íbúðasjóð.
Í tengslum við tillögu að hækkun fermetraverðs húsaleigu óskaði bæjarráð eftir útreikningum á áhrifum hækkunar á húsaleigubætur.

7.Hringsjá á Álfhól

Málsnúmer 1111059Vakta málsnúmer

Erla Þórðardóttir skrifar bæjarfélaginu bréf er varðar hringsjá á Álfhóli í Siglufirði.

Hvetur hún bæjaryfirvöld til að laga aðkomu að umræddri hringsjá en hún var gjöf Erlu og skólasystkina hennar.

Aðkoma tók breytingum við nýja vegagerð framhjá Álfhól.

Bæjarráð leggur til að umrædd hringsjá verði færð á útsýnis- og áningastað á Saurbæjarás.

8.Fundargerð 225. fundar stjórnar Eyþings frá 7. október 2011

Málsnúmer 1111048Vakta málsnúmer

Lögð fram til kynningar.

Fundi slitið - kl. 19:00.