Bæjarráð Fjallabyggðar

Skv. 29. gr. laga um sveitarstjórnir skulu sveitarstjórnir setja sér siðareglur og skv. sömu grein skipar Samband íslenskra sveitarfélaga nefnd sem veitir álit um siðareglur og um ætluð brot á þeim. Ef siðareglur eru í gildi skal ný sveitarstjórn meta hvort ástæða sé til endurskoðunar þeirra. Í samræmi við 29.gr. laga um sveitarstjórnir liggja fyrir drög að uppfærðum siðareglum kjörinna fulltrúa Fjallabyggðar.

Fyrir liggur erindi frá forseta bæjarstjórnar Akureyrar þar sem kannaður er áhugi á því að bæjarstjórn Fjallabyggðar taki á móti bæjarstjórn Akureyrar í heimsókn föstudaginn 28.ágúst n.k. frá kl 12:30 - 13:30.

Fyrir liggur erindi frá Valgeiri T. Sigurðssyni þar sem óskað er eftir upplýsingum er varða veitingu byggingarleyfis vegna viðbyggingar við starfsemi Seguls við Vetrarbraut á Siglufirði.

Fyrir liggur undirskriftarlisti frá um 400 íbúum Fjallabyggðar og öðrum notendum þar sem kallað er eftir aðgerðum Vegagerðar vegna áralangs vatnsleka í Ólafsfjarðarhluta Héðinsfjarðarganga. Formaður bæjarráðs tók á móti undirskriftarlistum frá Hjördísi Hjörleifsdóttur sem var ein að þeim sem stóð fyrir þessari söfnun undirskrifta.

Fyrir liggur erindi frá Samtökum um dýravelferð þar sem hvatt er til þess að banna loðdýrarækt innan sveitarfélagsins í aðalskipulagi.

Fyrir liggur fundarboð á aðalfund Leigufélagsins Bríetar ehf. er fram fer þann 18.ágúst n.k.

Fyrir liggur erindi frá Anitu Elefsen f.h. Cruise Iceland, þar sem bæjarstjórn og fleiri aðilum er boðið í heimsókn um borð í skemmtiferðaskipið AIDA Luna sem verður við höfn á Akureyri þann 27.ágúst n.k. Tilgangur heimsóknarinnar er að bjóða hagsmunaaðilum á Íslandi til heimsóknar um borð og kynna starfsemina, bæði á sjó og í landi.

Fyrir liggur erindi frá Vegagerðinni þar sem minnt er á mikilvægi samráðs í tengslum við endurskoðun aðalskipulags og aðra skipulagsvinnu. Erindið er sent til kynningar fyrir nýja fulltrúa í bæjarstjórn, nefndum og ráðum.

Með fundarboði fylgdi yfirlit launakostnaðar fyrir fyrstu 7 mánuði ársins 2026. Áfallinn launakostnaður er 91,6% af tímabilsáætlun.
Lagt fram til kynningar