Bæjarráð Fjallabyggðar

Lögð fram umsagnarbeiðni frá Sýslumanninum á Norðurlandi eystra, dags. 1. febrúar 2023 vegna umsóknar Reitsmýrar ehf. um rekstrarleyfi gistingar í flokki II við Hvanneyrarbraut 32b. Einnig lagðar fram umsagnir Slökkviliðs Fjallabyggðar og deildarstjóra tæknideildar.

Lögð fram beiðni Hins Norðlenzka styrjufélags ehf. um leyfi til borunar holu til vatnsöflunar fyrir fiskeldi félagsins. Fram kemur í beiðninni að félagið muni sjálft ábyrgjast framkvæmdina.

Lagt fram erindi dagsett 17.2.2023 þar sem Verkstjórn ehf. sækir um einbýlishúsalóð nr. 26 við Eyrargötu á Siglufirði.

Lagt fram dreifibréf BSRB þar sem sveitarfélaginu er boðin þátttaka í könnuninni Sveitarfélag ársins 2023 fyrir allt starfsfólk sveitarfélagsins. Tilgangurinn með könnuninni Sveitarfélag ársins er að hvetja stjórnendur sveitarfélaganna til að veita starfsumhverfinu aukna athygli. Gallup sér um framkvæmd könnunarinnar og úrvinnslu niðurstaðna. Þátttaka miðast við fastráðið starfsfólk í meira en 30% starfshlutfalli. Könnunin verður send til alls félagsfólks þeirra félaga sem standa að könnuninni, en kjósi sveitarfélagið að taka þátt verður könnunin send öllu starfsfólki sveitarfélagsins óháð félagsaðild. Ef allt starfsfólk tekur þátt, fæst heildstæð mynd af starfsumhverfi sveitarfélaganna. Þannig er hægt að bera saman starfsumhverfi sveitarfélaga innbyrðis og sveitarfélaga og ríkis sem og almenna markaðarins.

Sveitarfélaginu Fjallabyggð er hér með boðin þátttaka í samstarfs- og þróunarverkefni sem snýr að aðlögun sveitarfélaga að loftslagsbreytingum. Viðfangsefni Fjallabyggðar yrði ágangur sjávar vegna hækkandi yfirborðs sjávar.
Sveitarfélagið Fjallabyggð varð fyrir valinu vegna sérstöðu þess þegar kemur að áskorunum er tengjast hækkandi yfirborði sjávar og mögulegum afleiðingum fyrir íbúabyggð, atvinnuhúsnæði og hafnarmannvirki.

Fjallabyggð er eitt þriggja sveitarfélaga sem boðin er þátttaka í verkefninu út frá svokallaðri þröngri nálgun. Þar er áhersla lögð á aðlögunarþörf og aðgerðir með tilliti til einnar sértækrar afleiðingar loftslagsbreytinga. Nánari upplýsingar um þrönga og víða nálgun er að finna hér að neðan.

Á stjórnarfundi Veiðifélags Ólafsfjarðar sem haldinn var þann 24.01.23 var m.a. tekin til afgreiðslu tilboð þau sem bárust í leigu veiðiréttar í Fjarðará í Ólafsfirði.
Alls bárust fimm tilboð. Niðurstöður atkvæðagreiðslu stjórnar lagðar fram til kynningar.

Velferðarnefnd Alþingis sendir til umsagnar tillögu til þingsályktunar um innleiðingu lýðheilsumats í íslenska löggjöf, 25. mál. Þess er óskað að undirrituð umsögn berist eigi síðar en 14. mars nk.

Fundargerð 108. fundar stjórnar Moltu ásamt ársreikningi fyrir árið 2022 og gjaldskrá ársins 2023.

Fundargerðir 295. fundar skipulags- og umhverfisnefndar og 96. fundar markaðs- og menningarnefndar Fjallabyggðar lagðar fram til kynningar.