Fjölmenningardagur VMST

Fræðslu- og frístundanefnd tekur undir helstu niðurstöður Fjölmenningardags um mikilvægi þess að efla íslenskukennslu og snemmtækan stuðning við börn og fjölskyldur af erlendum uppruna. Nefndin leggur sérstaka áherslu á að skólar og frístundastarf gegni lykilhlutverki í inngildingu, félagslegri þátttöku og jöfnun tækifæra barna. Mikilvægt er að tryggja gott upplýsingaflæði til foreldra, stuðla að virkri þátttöku barna í skóla- og frístundastarfi og efla samstarf skóla, frístundastarfs og annarrar þjónustu sveitarfélagsins.