Hafnaraðstaða og þjónusta við höfnina í Ólafsfirði

Málsnúmer 2608029

Vakta málsnúmer

Framkvæmda-, hafna og veitunefnd Fjallabyggðar - 12. fundur - 18.08.2026

Á síðasta fundi nefndarinnar var óskað eftir að fulltrúar FMS myndu mæta á fund nefndarinnar. Einar Guðmundsson framkvæmdastjóri FMS og Steingrímur Óli Hákonarson stöðvarstjóri FMS í Fjallabyggð koma á fjarfund.
Lagt fram til kynningar
Einar Guðmundsson framkvæmdastjóri FMS fór yfir starfsemi fyrirtækisins í Fjallabyggð og mikilvægi þess að gott samstarf væri á milli FMS og hafnaryfirvalda í Fjallabyggð. Einar benti á að mikilvægasta markaðssetning hafnarinnar réðist annars vegar á aflabrögðum á nálægum miðum og hins vegar á gjaldskrá hafna. Jafnframt fóru þeir yfir atriði sem gætu aukið þjónustu hafnarinnar við báta sem þar landa. Nefndin þakkar fulltrúum FMS fyrir gott samtal.

Framkvæmda-, hafna og veitunefnd Fjallabyggðar - 14. fundur - 28.10.2026

Formaður greindi frá hugmyndum varðandi færslu á flotbryggju í Ólafsfirði sem fela í sér að flotbryggja sem nú er næst ósnum verði færð þar sem sú flotbryggja var er fjarlægð var s.l. sumar og á bryggjuna verði settir viðlegufingur fyrir smábáta.
Vísað til umsagnar
Nefndin samþykkir að óska eftir kostnaðarmati á færslu flotbryggjunnar í samræmi við fyrirliggjandi hugmyndir en samhliða því verði jafnframt tekin upp umræða um endurskoðun stefnumótunar Fjallabyggðarhafna 2022-2030 með framtíðarskipulag og nýtingu Ólafsfjarðarhafnar í huga.

Jafnframt er samþykkt að óska eftir því að gerð verði úttekt á ástandi vestasta hluta Norðurgarðs.