Eftirlitsskýrslur Heilbrigðiseftirlits NV 2026

Málsnúmer 2604025

Vakta málsnúmer

Framkvæmda-, hafna og veitunefnd Fjallabyggðar - 13. fundur - 23.09.2026

Fyrir liggja skýrslur Heilbrigðiseftirlits Norðurlands vestra er varðar losun lífræns úrgangs frá G1 í fráveitukerfi Ólafsfjarðar.
Vísað til afgreiðslu starfsmanns
Nefndin leggur til að formaður ásamt sviðsstjóra hittist á staðnum með málsaðila.

Bókun frá fulltrúa D lista: Málið er til meðferðar hjá Heilbrigðiseftirlitinu og því telur fulltrúi D-lista ekki tilefni til sérstakrar umfjöllunar af hálfu nefndarinnar. Í fyrirliggjandi skýrslu kemur skýrt fram hvaða úrbætur málsaðili þarf að ráðast í svo unnt sé að leysa málið. Ábyrgð á þeim úrbótum hvílir alfarið á málsaðila og ekki þörf á aðkomu sveitarfélagsins.

Framkvæmda-, hafna og veitunefnd Fjallabyggðar - 14. fundur - 28.10.2026

Heilbrigðiseftirlitið sendi út tilkynningu í síðustu viku um mengun í vatnsveitu Fjallabyggðar á Siglufirði og benti á að sýni sem tekin voru í Skálarhlíð og Leikskálum hafi verið mengað. Í framhaldinu var íbúum bent á að sjóða neysluvatn. Vegna þessa var óskað eftir endurtekinni sýnatöku sem framkvæmd var 22.október og þá voru sýni tekin á fleiri stöðum. Staðfest var frá prófunarstofunni Sýni ehf að engin mengun var í sýnum frá vatnstanki eða í dreifikerfi vatns, ekki í Skálarhlíð eða á Leikskálum og var því gefin út önnur tilkynning um að vatnið væri ómengað og neysluhæft.
Vísað til afgreiðslu starfsmanns
Nefndin samþykkir að óska eftir stuttri samantekt frá skipulags- og framkvæmdasviði á málavöxtum fyrir næsta fund.