Drög af aðgerðum 2026

Nefndarmenn fóru yfir ýmsar tillögur að heilsueflandi aðgerðum fyrir starfsárið 2026. Lögð verður fram aðgerðaráætlun á næstunni þar sem íbúar verða hvattir til að vera virkir í hreyfingu og huga að næringu og almennri heilsu.

Stýrihópurinn leggur til að Fjallabyggð bjóði uppá stafagöngu þann 18. apríl í tengslum við hreyfiviku UMFÍ. Laugardaginn 30. maí verður heilsueflandi dagur þar sem óskað verður liðsinnis HSN-heilsugæslunnar og boðið uppá heilsufarsmælingu og kynning á öldrunarþjónustunni ásamt fleiru. Óskað verði eftir samstarfi og kynningu m.a. á pílu og skotfimi. Auk þess sem ferðafélagið Trölli býður uppá fjölskyldugöngu í Fossdal.
Fjallabyggð hvetji fólk og fyrirtæki til að taka þátt í hinum ýmsu landsviðburðum s.s. Mottumars, hjólað í vinnuna og fleiru.

Stýrihópurinn leggur til að fólk og fyrirtæki verði hvött til þess að skrá sig og taka formlega þátt í "Hjólað í vinnuna" sem hefst 1. maí en búið er að opna fyrir skráningu. https://hjoladivinnuna.is/

25. - 31. maí í hreyfiviku UMFÍ leggur stýrihópurinn til að kennsla verði í stafagöngu. Ásdís Sigurðardóttir mun leiðbeina fólki.

Ferðafélagið Trölli býður uppá fjölskyldugöngu 27. maí í Héðinsfjörð kl. 17. Boðið upp á kleinur og safa.

Þann 30. maí sem stýrihópurinn hefur lagt til að verði "heilsueflandi dagur" verður boðið uppá kynningu á heilsueflandi heimsóknum 60 plús frá HSN og einnig verður boðið uppá heilsufarsmælingu og sýnt hvernig nota á hjarta stuðtæki.

Örnámskeið í skriðsundi verða kynnt ásamt fleiri viðburðum.

Boðið verður uppá spretthlaup fyrir yngri kynslóðina.

21. júní er sólstöðuganga í Múlann kl. 22 og er gjaldfrjáls.

Íbúar og gestir eru hvattir til að fylgjast með Ferðafélaginu Trölla á fésbókinni þar sem boðið verður upp á margvíslegar gönguferðir í sumar.

Stýrihópurinn leggur til að haldin verði "Heilsumessa" í september þar sem aðilum í Fjallabyggð verður boðið að kynna starfsemi sína. Sviðsstjóra falið að taka saman og heyra í aðilum í Fjallabyggð til að taka þátt.