Boð um þátttöku í samráði. Áform um breytingu á lögum nr.49-1997 um varnir gegn snjóflóðum og skriðuföllum

Umhverfis-, orku- og loftslagsráðuneytið kynnir til samráðs mál nr. 154/2025 - Áform um breytingu á lögum nr. 49/1997 um varnir gegn snjóflóðum og skriðuföllum.

Markmið breytinganna er að auka skýrleika tiltekinna ákvæða, einkum varðandi nýtingu eigna á hættusvæðum, styrkveitingar til sveitarfélaga og eftirlitshlutverk Veðurstofu Íslands. Markmiðið er að einfalda og skýra betur tiltekin ákvæði laganna og taka af vafa um framkvæmd þeirra, bregðast við athugasemdum og leggja til ný ákvæði.