Fundargerð hafnarstjórnar er í 7 liðum.
Til afgreiðslu er liður 6.
Aðrir liðir þarfnast ekki afgreiðslu og eru lagðir fram til kynningar.
Helgi Jóhannsson tók til máls undir 4. lið fundargerðarinnar.
Sigríður Ingvarsdóttir, Tómas Atli Einarsson, S. Guðrún Hauksdóttir og Guðjón M. Ólafsson tóku til máls undir 4. lið fundargerðarinnar.
.4
2211081
Samantekt frá yfirhafnarverði
Hafnarstjórn Fjallabyggðar - 145. fundur - 16. apríl 2024.
Hafnarstjórn þakkar yfirhafnarverði fyrir samantektina og hafnarstjóra fyrir yfirferðina.
Bókun fundar
Helgi Jóhannsson tók til máls og lagði fram eftirfarandi tillögu f.h. H-listans:
"H-listinn tekur heilshugar undir hugleiðingar yfirhafnarvarðar um að færa aðalflotbryggjuna úr vesturhöfn í austurhöfnina í Ólafsfirði.
Mikið rót er á bryggjunni í slæmu veðri og færi betur um hana í austurhöfninni.
Einnig mun þessi tilfærsla lífga mikið upp á höfnina.
H-listinn leggur til að nánari útfærsla og kostnaður við tilfærsluna verði lagður fyrir hafnarstjórn."
S. Guðrún Hauksdóttir lagði fram eftirfarandi bókun A- og D-lista:
"A og D listi fagna framkominni bókun H-listans og leggur til að yfir-hafnarverði verði falið að framkvæma kostnaðar- og valkostamat fyrir nýja staðsetningu fyrir flotbryggju í Ólafsfirði."
Bókun A- og D-lista samþykkt með 7 atkvæðum.
.6
2404022
Erindi frá Hollvinasamtökum Maríu Júlíu
Hafnarstjórn Fjallabyggðar - 145. fundur - 16. apríl 2024.
Hafnarstjórn getur ekki orðið við beiðninni. Erindi hafnað.
Bókun fundar
Bæjarstjórn staðfestir afgreiðslu Hafnarstjórnar með 7 atkvæðum.
Þar sem takmarkað laust pláss er í höfninni er erindinu hafnað. Nú eru um það bil 30 strandveiðibátar sem leggja upp á Siglufirði, fjórir togarar auk annarra báta. Þegar eru fjórir langlegubátar í höfninni. Einnig er von á rúmlega 30 skemmtiferðaskipum í höfnina í sumar.
