Ungt fólk og SSNE

Borist hefur erindi um að skipa ungmenni frá hverju sveitarfélagi í undirbúningshóp vegna "Ungt fólk og SSNE" (Samtök sveitarfélaga og atvinnuþróunar á Norðurlandi eystra) fyrir viðburðinn sem fyrirhugað er að halda næsta haust með ungmennum af svæði SSNE. Ungmennaráð tilnefnir Hörð Inga Kristjánsson sem aðalmann í undirbúningshóp og til vara verða þær Þórný Harpa Rósinkranz Heimisdóttir og Elísabet Ásgerður Heimisdóttir.

Fyrirhugað er Landsmót Samtaka sveitarfélaga og atvinnuþróunar á Norðurlandi eystra (SSNE) sem haldið verður Skútustaðahreppi 25.-26. nóvember nk. Aðalmönnum Ungmennaráðs gefst tækifæri til að sækja Landsmótið ef þeir vilja og varamönnum í þeirra stað ef þannig ber undir. Nánar verður rætt um Landsmótið á næsta fundi ráðsins og ákveðið hverjir sæki það fyrir hönd Fjallabyggðar.

Farið yfir skipulag Landsmóts SSNE sem haldið verður í Mývatnssveit dagana 25.-26. nóvember. 5 fulltrúum ungmennaráðs er boðið að fara í fylgd starfsmanns frá sveitarfélaginu. Farið verður með rútu.

Landsmót Samtaka sveitarfélaga og atvinnuþróunar (SSNE) fyrir fulltrúa ungmennaráða á svæðinu var haldið dagana 25.-26. nóvember sl. Fyrir hönd Fjallabyggðar fóru Jason Karl Friðriksson og Skarphéðinn Þór Torfason ásamt Ríkeyju Sigurbjörnsdóttur deildarstjóra fræðslu-, frístunda- og menningarmála. Landsmótið tókst mjög vel og unnu ungmennin í starfshópum að viðfangsefnum tengdum Heimsmarkmiðum Sameinuðu þjóðanna. Afrakstur vinnustofanna var m.a. hugmynd að appi sem verður þróað áfram með aðstoð SSNE.

Ungmennaráð ræddi um mögulegt áframhaldandi starf hjá SSNE með ungmennaráðum á svæðinu og hvað væri hægt að gera á næsta ungmennaþingi SSNE.