Grunnskóli Fjallabyggðar - skipulag starfsstöðva

Fræðslu- og frístundanefnd óskar eftir umsögn frá skólastjóra Grunnskóla Fjallabyggðar um faglegan ávinning þess að færa skólastarf 5. bekkjar í starfsstöðina við Tjarnarstíg Ólafsfirði sem nú hýsir starf 6.-10.bekkjar. Einnig óskar nefndin eftir úttekt á möguleikum þessara skipulagsbreytinga með tilliti til húsnæðis, skólarútu o.s.frv.

Undir þessum lið sátu Erla Gunnlaugsdóttir skólastjóri grunnskólans og Halldóra María Elíasdóttir fulltrúi kennara.
Skólastjóri fór yfir minnisblað sitt um skipulag starfsstöðva Grunnskóla Fjallabyggðar sem nefndin hafði óskað eftir á síðasta fundi hennar.
Fræðslu- og frístundanefnd felur deildarstjóra fræðslu-, frístunda- og menningarmála að vinna málið áfram í samræmi við umræður fundarins.

Sviðsstjóri telur mikilvægt að áfram verði unnið að því að færa 5. bekk að Tjarnarstíg og huga að breytingum sem gera þarf vegna þess. Nefndin tekur undir það og felur sviðsstjóra að koma með tillögur í lok apríl.