Söfnunar- og útlánastefna Listasafns Fjallabyggðar

Mikilvægt er að Fjallabyggð eigi söfnunarstefnu og útlánareglur fyrir Listaverkasafn Fjallabyggðar. Markaðs- og menningarfulltrúi hefur unnið drög og felur nefndin honum að vinna drögin áfram í samræmi við umræðu fundarins.

Drög að söfnunar- og útlánareglum fyrir Listaverkasafn Fjallabyggðar lögð fram til kynningar. Markaðs- og menningarfulltrúa falið að halda áfram vinnu við gerð reglna í samræmi við umræðu fundarins og leggja fyrir næsta fund nefndarinnar.

Markaðs- og menningarnefnd leggur til að fyrirtæki og stofnanir í Fjallabyggð geti fengið leigt listaverk úr Listaverkasafni Fjallabyggðar til ákveðins tíma. Nefndin samþykkir drög að útlánareglum sem tekur m.a. til ábyrgðar lántaka og kostnaðar við útlán. Útlánareglum vísað til umfjöllunar og samþykktar í bæjarráði.

Á 62. fundi Markaðs- og menningarnefndar Fjallabyggðar vísaði nefndin drögum að Söfnunar-og útlánareglum Listasafns Fjallabyggðar til umfjöllunar og samþykktar bæjarráðs.

Lögð fram drög að Söfnunar- og útlánareglum Listasafns Fjallabyggðar.

Bæjarráð tekur jákvætt í drögin og felur markaðs- og menningarfulltrúa að vinna málið áfram og leggja fyrir bæjarráð.

Lögð fram drög að útlánareglum Listasafna Fjallabyggðar ásamt umsóknareyðublaði.

Bæjarráð samþykkir drög að útlánareglum og umsóknareyðublað fyrir sitt leyti.

Nýr vefur Listasafns Fjallabyggðar er tilbúinn og verður settur í birtingu á næstu dögum. Markaðs- og menningarnefnd fagnar útgáfu hans. Útlánareglur listasafnsins voru yfirfarnar og ræddar. Á vef listasafnsins má sjá hvaða myndir eru til útláns.

Bæjarráð samþykkir framlagðar útlánareglur og felur markaðs- og menningarfulltrúa að birta reglurnar á heimasíðu sveitarfélagsins.