Bæjarráð Fjallabyggðar - 578. fundur - 30. október 2018

Málsnúmer 1810010F

Vakta málsnúmer

Bæjarstjórn Fjallabyggðar - 167. fundur - 15.11.2018

  • .1 1810116 Kynning á reglugerð nr. 550/2018 um losun frá atvinnurekstri og mengunarvarnaeftirlit
    Bæjarráð Fjallabyggðar - 578. fundur - 30. október 2018 Undir þessum lið kom Sigurjón Þórðarson heilbrigðisfulltrúi Norðurlands vestra og fór yfir nýja reglugerð nr.550/2018 um losun frá atvinnurekstri og mengunarvarnaeftirliti sem tók gildi í maí sl.

    Bæjarráð óskar eftir að fá umsögn um reglugerðina frá stjórn HNV.     Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .2 1805111 Gjaldskrár 2019
    Bæjarráð Fjallabyggðar - 578. fundur - 30. október 2018 Teknar til umfjöllunar gjaldskrár og álagning 2019.
    Bæjarráð samþykkir að leggja eftirfarandi tillögur fyrir bæjarstjórn:

    Reiknað er með vísitöluhækkun upp á 3% á milli ára.
    Útsvarsprósenta verði óbreytt 14,48%
    Fasteignaskattsprósenta verði óbreytt, (A 0,49%, B 1,32% og C 1,65%)
    Lóðarleiguprósenta verði óbreytt (A 1,90% og C 3,50%)
    Sorphirðugjöld hækki í 44.000 kr. úr 42.000 kr.
    Holræsa-/fráveitugjaldaprósenta lækki í 0,33% úr 0,36%.
    Vatnsskattsprósenta fasteignagjalda lækki í 0,32% úr 0,35%.

    Afsláttur af fasteignaskatti hjá tekjulágum elli- og örorkulífeyrisþegum verður að hámarki kr. 70.000 í stað kr. 65.000,-.

    Tekjumörk eru sem hér segir:


    Flokkur -
    Einstaklingar
    Afsláttur
    1.
    0 - 3.000.000 - 100%
    2.
    3.000.001 - 3.600.000 - 75%
    3.
    3.600.001 - 4.200.000 - 50%
    4.
    4.200.001 - 4.800.000 - 25%
    5.
    4.800.001 - - 0%

    Flokkur -
    Hjón/Sambýlisfólk
    Afsláttur
    1.
    0 - 4.000.000 - 100%
    2.
    4.000.001 - 4.600.000 - 75%
    3.
    4.600.001 - 5.200.000 - 50%
    4.
    5.200.001 - 5.800.000 - 25%
    5.
    5.800.001 - - 0%


    Húsaleiga hækki um 10% þann 01.01.2019.

    Að frá 1. janúar 2019 verði gjaldfrjálst fyrir öryrkja og eldri borgara 67 ára og eldri, íbúa Fjallabyggðar í sund og líkamsrækt.

    Gjald fyrir skólamáltíðir í Grunnskóla Fjallabyggðar helst óbreytt í krónum talið á milli ára.

    Aukinn verði systkinaafsláttur í leikskóla Fjallabyggðar:
    30% afsláttur vegna 2. barns verði 50%.
    50 % afsláttur vegna 3. barns verði 75%.

    Aðrar gjaldskrár og þjónustugjöld 1. janúar 2019 taki mið af breytingum miðað við vísitöluhækkun og umræður á fundi.








    Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 5 atkvæðum.

    Særún Hlín Laufeyjardóttir H-lista og Jón Valgeir Baldursson H-lista sitja hjá.
  • .3 1810099 Fjárhagsáætlun 2019
    Bæjarráð Fjallabyggðar - 578. fundur - 30. október 2018 Bæjarstjóri fór yfir forsendur fjárhagsáætlunar og áætlaða útkomu fyrir bæjarsjóð Fjallabyggðar fyrir árið 2019.
    Lögð fram tillaga að fjárhagsáætlun fyrir árið 2019.

    Bæjarráð samþykkir að vísa tillögunni til umsagnar hjá nefndum og deildarstjórum.

    Niðurstöður nefnda þurfa að liggja fyrir eigi síður en 9. nóvember nk..
     Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .4 1808079 Ræsting í Leikskóla Fjallabyggðar, Ólafsfirði
    Bæjarráð Fjallabyggðar - 578. fundur - 30. október 2018 Lögð fram drög að verksamningi vegna ræstingar á húsnæði Leikskóla Fjallabyggðar, Leikhóla, Ólafsfirði.

    Bæjarráð samþykkir fyrirliggjandi drög og felur deildarstjóra fræðslu-, frístunda- og menningarmála að undirrita samninginn og leggja fyrir bæjarráð.
     Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .5 1401026 Ferðastefna Fjallabyggðar
    Bæjarráð Fjallabyggðar - 578. fundur - 30. október 2018 Á 47. fundi markaðs- og menningarnefndar sem haldin var 24. 10.2018 lagði nefndin til við bæjarráð að stýrihópur sem stofnaður var til að ljúka við gerð ferðastefnu verði leystur upp og þess í stað verði farið í gerð markaðsstefnu Fjallabyggðar þar sem ferðastefna verði einn kafli í markaðsstefnu. Nýr vinnuhópur verði stofnaður og gert ráð fyrir launum fyrir fundarsetu í fjárhagsáætlun 2019. Vinnuhópurinn vinnur drög að markaðsstefnu sem hann leggur fyrir markaðs- og menningarnefnd eigi síðar en 1. júní 2019.

    Bæjarráð samþykkir að leysa upp stýrihóp sem vinna átti að ferðastefnu Fjallabyggðar og þess í stað verði stofnaður nýr vinnuhópur sem skila á drögum að markaðsstefnu Fjallabyggðar til markaðs- og menningarnefndar eigi síðar en 1. júní 2019. Launakostnaði vegna fundarsetu er vísað til fjárhagsáætlunar 2019.
     Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .6 1810051 Erindi frá Trölla, hugmyndir um samstarf
    Bæjarráð Fjallabyggðar - 578. fundur - 30. október 2018 Á 47. fundi markaðs- og menningarnefndar sem haldin var 24.10.2018 tók nefndin til afgreiðslu erindi frá Gunnari Smára Helgasyni og Kristínu Sigurjónsdóttur fh. Trölla.is varðandi samstarf við sveitarfélagið. Markaðs- og menningarnefnd vísaði 4. lið, er varðar beina útsending frá bæjarstjórnarfundum til bæjarráðs.
    Í erindi Gunnars og Kristínar fh. Trölla.is kemur fram að Trölli.is gæti sent bæjarstjórnarfundi út beint, bæði hljóð og mynd, á vefnum trolli.is, sem einnig væri hægt að hafa á fjallabyggd.is ef óskað yrði eftir, með viðeigandi færslu á fjallabyggd.is. Trölli mundi þá sjá um allan tæknibúnað og vinnu við að senda fundina út.

    Bæjarráð sér sér ekki fært að verða við erindinu þar sem ekki er gert ráð fyrir kostnaði við útsendingar bæjarstjórnarfunda á fjárhagsárinu 2019.

    Jón Valgeir Baldursson situr hjá við afgreiðslu þessa máls.
     Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .7 1810111 Rekstrarsamningur 2018 Pálshús
    Bæjarráð Fjallabyggðar - 578. fundur - 30. október 2018 Þosteinn Ásgeirsson mætti á fund bæjarráðs undir þessum lið og gerði grein fyrir umsóknum Fjallasala ses, um bæði rekstrar- og fjárfestingastyrki.

     Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .8 1810071 Umsókn um styrk/aðstoð við rannsóknir til undirbúnings atvinnuuppbyggingar í Ólafsfirði
    Bæjarráð Fjallabyggðar - 578. fundur - 30. október 2018 Undir þessum lið vék Jón Valgeir Baldursson af fundi.

    Á fund bæjarráðs mættu Þorsteinn Ásgeirsson og Þorbjörn Sigurðsson fyrir hönd Framfarafélags Ólafsfjarðar og gerðu grein fyrir umsókn félagsins um fjárstyrk til undirbúnings á fiskeldi í Ólafsfirði.



     Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .9 1810092 Yfirlit yfir rekstrarkostnað allra grunnskóla árið 2017
    Bæjarráð Fjallabyggðar - 578. fundur - 30. október 2018 Lagt fram erindi Sambands Íslenskra sveitarfélaga, dags. 19.10.2018 varðandi rekstrarkostnað allra grunnskóla árið 2017. Óskað er eftir því að sveitarfélög fari yfir tölur sinna skóla áður en útreikningar vegna rekstrarkostnaðar á hvern nemanda verður gerður.
    Bæjarráð samþykkir að fela deildarstjóra fræðslu,- frístunda- og menningarmála að svara erindinu.
    Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .10 1810100 Húsnæðisþing 2018
    Bæjarráð Fjallabyggðar - 578. fundur - 30. október 2018 Lögð fram til kynningar dagskrá húsnæðisþings 2018 sem Velferðarráðuneytið og Íbúðalánasjóður standa fyrir og haldið verður þriðjudaginn 30. október nk. á Hilton Reykjavík Nordica. Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .11 1810080 Upplýsingar um kynjahlutfall í fastanefndum
    Bæjarráð Fjallabyggðar - 578. fundur - 30. október 2018 Lagt fram erindi Jafnréttisstofu, dags. 8.10.2018 þar sem kallað er eftir upplýsingum frá sveitarfélögum um kynjahlutfall í fastanefndum. Óskað er eftir upplýsingum um kynjahlutfall í hverri nefnd fyrir sig, annars vegar hjá aðalfulltrúum og hins vegar varafulltrúum í viðkomandi nefndum. Einnig er óskað eftir upplýsingum um kyn formanns nefndar.
    Einnig lögð fram drög að svarbréfi ritara og skjalastjóra vegna umbeðinna upplýsinga.

    Bæjarráð samþykkir drögin og felur ritara og skjalastjóra að senda á Jafnréttisstofu.
     Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .12 1810102 Umsögn Samgöngufélagsins um tillögu að samgönguáætlun 2019 til 2033.
    Bæjarráð Fjallabyggðar - 578. fundur - 30. október 2018 Lagt fram til kynningar erindi Samgöngufélasins, dags. 23.10.2018 þar sem vakin er athygli á því að Samgöngufélagið hefur sent inn á vef Alþingis athugasemdir við tillögu til þingsályktunar að samgönguáætlun 2019-2033. Þar er óskað eftir að gert verði ráð fyrir gerð vega um svonefnda Húnavallaleið í Austur-Húnavatnssýslu og Vindheimaleið í Skagafirði á tímabili áætlunarinnar. Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .13 1810106 Haustráðstefna um byggingarúrgang
    Bæjarráð Fjallabyggðar - 578. fundur - 30. október 2018 Lagt fram til kynningar erindi Samtaka iðnaðarins, dags. 24.10.2018 er varðar Haustráðstefnu um byggingarúrgang sem er samvinnuverkefni milli Fenúr, Grænni byggðar og Samtaka iðnaðarins. Ráðstefnan verður haldin í Nauthól fimmtudaginn 8. nóvember kl. 13.00-16.30. Fundarstjóri er Bryndís Skúladóttir, ráðgjafi hjá VSÓ ráðgjöf. Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .14 1810107 Heilbrigðisþing 2 nóvember 2018
    Bæjarráð Fjallabyggðar - 578. fundur - 30. október 2018 Lagt fram til kynningar erindi Velferðarráðuneytisins, dags. 22.10.2018 er varðar Heilbrigðisþing sem haldið verður þann 2. nóvember nk. frá klukkan 9 til 16 á Grand hótel, Reykjavík. Markmið þingsins er að skapa vettvang fyrir kynningu og umræður um drög að nýrri heilbrigðisstefnu, stefnu fyrir íslenskt heilbrigðiskerfi til ársins 2030. Þingið er öllum opið og eru allir sem láta sig heilbrigðismál varða hvattir til að taka þátt. Skráning fer fram á www.þing.is. Til að tryggja aðgengi allra landsmanna að þinginu verður dagskrá og umræðum streymt á slóðinni www.heilbrigdisthing.is þar sem einnig verður hægt að senda inn spurningar og ábendingar. Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .15 1810096 Ágóðahlutagreiðsla 2018
    Bæjarráð Fjallabyggðar - 578. fundur - 30. október 2018 Lagt fram erindi Eignarhaldsfélags brunabótafélags Íslands (EBÍ), dags. 18.10.2018 er varðar greiðslu ágóðahlutar til aðildarsveitarfélaga EBÍ. Í ár verða greiddar út 50 mkr. og er hlutdeild Fjallabyggðar 2,467% eða 1.233.500.- Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .16 1808059 Evrópsk ráðstefna í MTR um upplýsingatækni í kennslu 15. - 19. okt 2018
    Bæjarráð Fjallabyggðar - 578. fundur - 30. október 2018 Lagt fram erindi Láru Stefánsdóttur skólameistara Menntaskólans á Tröllaskaga (MTR) dags. 25.10.2018 þar sem hún þakkar sveitarfélaginu góðan stuðning og gott samstarf vegna ráðstefnunnar EcoMedia sem fram fór dagana 15. - 19. október 2018 og tókst með miklum ágætum. Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .17 1801082 Græn skref í ríkisrekstri
    Bæjarráð Fjallabyggðar - 578. fundur - 30. október 2018 Lagt fram erindi Láru Stefánsdóttur skólameistara Menntaskólans á Tröllaskaga (MTR) dags. 25.10.2018 þar sem hún óskar eftir aðstoð sveitarfélagsins við að komast á þriðja skref af fimm í grænum ríkisrekstri sem felur í sér hjólavottun og hleðslustöð fyrir rafmangnsbíla.

    Bæjarráð samþykkir að boða skólameistara á fund bæjarráðs.
     Bókun fundar Til máls tók Særún Hlín Laufeyjardóttir.

    Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .18 1810108 Malbik vantar á bút við Menntaskólann á Tröllaskaga
    Bæjarráð Fjallabyggðar - 578. fundur - 30. október 2018 Lagt fram erindi Láru Stefánsdóttur skólameistara Menntaskólans á Tröllaskaga (MTR) dags. 25.10.2018 þar sem óskað er eftir því við sveitarfélagið að lokið verði hið fyrsta við að malbika bút sem liggur frá malbikuðum vegi milli skólanna tveggja að móttökueldhúsi Menntaskólans.

    Bæjarráð tekur jákvætt í erindið og vísar því til gerðar fjárhagsáætlunar 2019.
     Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .19 1810113 Til umsagnar 222. mál frá nefndasviði Alþingis
    Bæjarráð Fjallabyggðar - 578. fundur - 30. október 2018 Lagt fram til kynningar erindi Allsherjar- og menntamálanefndar Alþingis, dags 25.10.2018 er varðar umsögn um frumvarp til laga um breytingu á ýmsum lögum vegna afnáms um uppreist æru, 222. mál. Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .20 1810112 Til umsagnar 212. mál frá nefndasviði Alþingis
    Bæjarráð Fjallabyggðar - 578. fundur - 30. október 2018 Lagt fram til kynningar erindi Allsherjar- og menntamálanefnd Alþingis dags. 25.10.2018 er varðar umsögn um frumvarp til laga um skráningu og mat fasteigna (ákvörðun matsverðs), 212. Mál. Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .21 1810115 Nýsköpunarkönnun - Nýsköpunarvogin
    Bæjarráð Fjallabyggðar - 578. fundur - 30. október 2018 Lagt fram erindi frá Sambandi íslenskra sveitarfélaga, dags. 25.10.2018 er varðar könnun á stöðu nýsköpunar í sveitarfélaginu.

    Bæjarráð samþykkir að fela bæjarstjóra og deildarstjóra stjórnsýslu- og fjármáladeildar að svara erindinu og leggja fyrir bæjarráð.
     Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .22 1810103 Ráðstefna forskot til framtíðar - vinnumarkaður framtíðarinnar
    Bæjarráð Fjallabyggðar - 578. fundur - 30. október 2018 Lagt fram til kynningar erindi Velferðarráðuneytisins, dags. 23.10.2018 er varðar Ráðstefnuna Forskot til framtíðar sem haldin verður föstudaginn 2.11.2018 nk. frá kl. 9-14:10 á Hilton Reykjavík Nordica. Til umfjöllunar verður vinnumarkaður framtíðarinnar, með áherslu á möguleg áhrif breyttrar heimsmyndar á náms- og atvinnutækifæri ungs fólks. Ráðstefnan er opin öllum og eru allir sem áhuga hafa á mennta- og vinnumarkaðsmálum framtíðarinnar hvattir til að taka þátt. Ráðstefnan er skipulögð í samstarfi við ASÍ, BHM, BSRB, KKÍ, Landssamtök íslenskra stúdenta, mennta- og menningarmálaráðuneytið, Samtök atvinnulífsins, Samband íslenskra framhaldsskólanema og Samband íslenskra sveitarfélaga. Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .23 1801009 Fundargerðir Sambands íslenskra sveitarfélaga - 2018
    Bæjarráð Fjallabyggðar - 578. fundur - 30. október 2018 Lögð fram til kynningar fundargerð 863. fundar stjórnar Sambands íslenskra sveitarfélaga frá 26. september sl. Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.
  • .24 1801013 Fundargerðir nefnda og stjórna Fjallabyggðar - 2018
    Bæjarráð Fjallabyggðar - 578. fundur - 30. október 2018 Lögð fram til kynningar 47. fundargerð markaðs- og menningarnefndar Fjallabyggðar frá 24.10.2018 Bókun fundar Afgreiðsla 578. fundar bæjarráðs staðfest á 167. fundi bæjarstjórnar með 7 atkvæðum.