-
Bæjarráð Fjallabyggðar - 572. fundur - 18. september 2018
Lagt fram erindi dags. 31.08.2018 frá Pétri Þór Jónssyni framkvæmdastjóra Eyþings til aðildarsveitarfélaga varðandi tillögu Gunnars I. Birgissonar til aðalfundar Eyþings sem haldinn verður 21. - 22. september nk. um að fjölga fulltrúum í stjórn Eyþings úr sjö í níu. Með því móti eiga fjölmennustu sveitarfélögin stjórnarmenn í stjórn Eyþings að staðaldri en þegar fulltrúar sveitarfélaga sitja ekki í stjórn koma þeir takmarkað að umræðu og ákvörðunartöku innan Eyþings og ábyrgð stjórnar er óljós. Fundir í fulltrúaráði Eyþings eru sjaldgæfir og samskipti við þau sveitarfélög sem ekki eiga fulltrúa í stjórn eru af skornum skammti.
Bæjarráð samþykkir tillögu Gunnars I Birgissonar fyrir sitt leyti.
Fjallabyggð og Dalvíkurbyggð hafa hingað til skipst á að skipa fulltrúa í stjórn Eyþings í tvö ár í senn.
Verði tillagan samþykkt á aðalfundi Eyþings skipa sveitarfélögin sinn fulltrúann hvort.
Bókun fundar
Til máls tók Helgi Jóhannsson.
Afgreiðsla 572. fundar bæjarráðs staðfest á 165. fundi bæjarstjórnar með 7 atkvæðum.
-
Bæjarráð Fjallabyggðar - 572. fundur - 18. september 2018
Niðurstaða færð í trúnaðarbók.
Bókun fundar
Afgreiðsla 572. fundar bæjarráðs staðfest á 165. fundi bæjarstjórnar með 7 atkvæðum.
-
Bæjarráð Fjallabyggðar - 572. fundur - 18. september 2018
Bæjarráð samþykkti á 564. fundi sínum, 6. júlí sl. samning um afnot Kraftlyftingafélags Ólafsfjarðar Fjallabyggð af líkamsræktarsal íþróttamiðstöðvar Fjallabyggðar í Ólafsfirði. Í 8. gr. samnings segir að bókfærður kostnaður vegna leigu á líkamsræktarsalnum skuli millifærður sem styrkur til Kraftlyftingafélags Ólafsfjarðar Fjallabyggð.
Bæjarráð samþykkir að vísa styrk að upphæð kr. 554.664 í viðauka nr.13/2018 samkvæmt 8. gr. samningsins við deild 06810 og lykill 9291 og bókast sem tekjur við deild 06510 og lykill 0258.
Bókun fundar
Afgreiðsla 572. fundar bæjarráðs staðfest á 165. fundi bæjarstjórnar með 7 atkvæðum.
-
Bæjarráð Fjallabyggðar - 572. fundur - 18. september 2018
Lagt fram til kynningar vinnuskjal vegna viðauka 4-13 við fjárhagsáætlun fyrir árið 2018.
Bókun fundar
Afgreiðsla 572. fundar bæjarráðs staðfest á 165. fundi bæjarstjórnar með 7 atkvæðum.
-
Bæjarráð Fjallabyggðar - 572. fundur - 18. september 2018
Lagt fram minnisblað deildarstjóra stjórnsýslu- og fjármáladeildar, dags. 17.09.2018 þar sem óskað er eftir samþykki til að framlengja samningi um vátryggingaviðskipti Fjallabyggðar við Sjóvá, um eitt ár í samræmi við 7. gr. samningsins.
Bæjarráð samþykkir að framlengja samninginn um eitt ár, eða til 31. desember 2019 og felur deildarstjóra stjórnsýslu- og fjármáladeildar að fylgja málinu eftir.
Bókun fundar
Afgreiðsla 572. fundar bæjarráðs staðfest á 165. fundi bæjarstjórnar með 7 atkvæðum.
-
Bæjarráð Fjallabyggðar - 572. fundur - 18. september 2018
Lögð fram drög að samningi milli Siglunes Guesthouse ehf og Fjallabyggðar um leigu húsnæðis að Lækjargötu 8, Siglufirði fyrir félagsmiðstöðina Neon.
Leigutímabil er frá 1. september 2018 til 31. ágúst 2019.
Bæjarráð samþykkir drögin fyrir sitt leyti og felur deildarstjóra fræðslu-, frístunda- og menningarmála að undirrita samninginn.
Bókun fundar
Afgreiðsla 572. fundar bæjarráðs staðfest á 165. fundi bæjarstjórnar með 7 atkvæðum.
-
Bæjarráð Fjallabyggðar - 572. fundur - 18. september 2018
Á 571. fundi bæjarráðs dags. 11. september 2018 samþykkti ráðið að ganga til samninga við lægstbjóðanda HBA í ferðir vegna aukins frístundaaksturs á árinu 2018 og fól deildarstjóra fræðslu,- frístunda- og menningarmála að ganga frá samningi við HBA og leggja fyrir bæjarráð.
Lögð fram drög að viðauka með samningi um skóla- og frístundaakstur í Fjallabyggð 2017-2020 vegna viðbótaferða vegna frístunda, september - desember 2018.
Bæjarráð samþykkir fyrirliggjandi drög og felur deildarstjóra fræðslu,- frístunda- og menningarmála að undirrita samkomulagið.
Bókun fundar
Afgreiðsla 572. fundar bæjarráðs staðfest á 165. fundi bæjarstjórnar með 7 atkvæðum.
-
Bæjarráð Fjallabyggðar - 572. fundur - 18. september 2018
Lögð fram tillaga, dags. 17.09.2018 frá Jóni Valgeir Baldurssyni fyrir hönd H- listans þar sem lagt er til að skipaður verði vinnuhópur sem hafi það að markmiði að koma með tillögur til bæjaryfirvalda er varða byggðakvóta í Fjallabyggð. Í vinnuhópnum sitji þrír fulltrúar smábátasjómanna, tveir- þrír fulltrúar fiskvinnslunnar og þrír fulltrúar sveitarfélagsins. Ástæða þess að tillagan er lögð fram er að undanfarin ár hefur ekki náðst að úthluta þeim byggðarkvóta sem fallið hefur í hlut Siglufjarðar og Ólafsfjarðar. Markmiðið er að finna ástæður þess.
Tillagan felld með tveimur atkvæðum Helgu Helgadóttir og Nönnu Árnadóttur gegn einu atkvæði Jóns Valgeirs Baldurssonar.
Meirihluti bæjarráðs bendir á að byggðakvóta er úthlutað á grundvelli 10 gr. laga um stjórn fiskveiða nr. 116/2006, með síðari breytingum. Fiskistofa annast úthlutun aflaheimilda sem koma í hlut einstakra byggðarlaga, til fiskiskipa í samræmi við reglugerð um úthlutun byggðarkvóta til byggðarlaga og fiskiskipa á hverju fiskveiðiári. Þá er fiskvinnslum og eigendum útgerða skylt að undirrita samning um vinnslu afla þar sem aðilar staðfesta að afli sem tiltekið skip landar vegna byggðarkvóta hjá nafngreindri fiskvinnslu, verði unninn þar sbr. 6. gr. reglugerðar nr. 604/2017. Eftirlit er á höndum Fiskistofu.
Tillaga meirihluta bæjarráðs er að fela hagsmunaaðilum þ.e. vinnslum og útgerðum, að koma sér saman um tillögur til úrbóta, þ.e. raunhæfar tillögur sem tryggja að úthlutaður byggðakvóti sé veiddur og verðmæti nýtt, og leggja fyrir bæjarráð. Undanfarin ár hefur úthlutaður byggðarkvóti ekki verið veiddur nema að hluta og verðmæti glatast.
Tillagan samþykkt með tveimur atkvæðum Helgu Helgadóttir og Nönnu Árnadóttur gegn einu atkvæði Jóns Valgeirs Baldurssonar.
Bókun fundar
Til máls tóku Helgi Jóhannsson, Helga Helgadóttir og Gunnar I. Birgisson.
Tillaga Jón Valgeirs Baldurssonar f.h. H - listans borin upp til samþykktar, tveir samþykkja með tillögunni Helgi Jóhannsson og Særún Hlín Laufeyjardóttir. Tillagan felld með 5 atkvæðum, Helgu Helgadóttir, Ingibjargar G. Jónsdóttur, Nönnu Árnadóttur, Hjördísar H. Hjörleifsdóttur og Tómasi Einarssyni.
Tillaga meirihlutans samþykkt með 5 atkvæðum, Helgu Helgadóttir, Ingibjargar G. Jónsdóttur, Nönnu Árnadóttur, Hjördísar H. Hjörleifsdóttur og Tómasi Einarssyni, á móti tveimur atkvæðum Helga Jóhannssyni og Særúnu Hlín Laufeyjardóttur.
Afgreiðsla 572. fundar bæjarráðs staðfest á 165. fundi bæjarstjórnar með 5 atkvæðum.
-
Bæjarráð Fjallabyggðar - 572. fundur - 18. september 2018
Lögð fram beiðni frá Sýslumanninum á Norðurlandi eystra er varðar umsögn um nýtt rekstrarleyfi fyrir Daniel Stähelin kt.030371-2599, til sölu gistingar í flokki II að Hávegi 14, Siglufirði.
Bæjarráð samþykkir umsóknina fyrir sitt leyti.
Bókun fundar
Afgreiðsla 572. fundar bæjarráðs staðfest á 165. fundi bæjarstjórnar með 7 atkvæðum.
-
Bæjarráð Fjallabyggðar - 572. fundur - 18. september 2018
Lagt fram erindi, dags. 07.09.2018 frá Jóel Inga Sæmundssyni er varðar styrk frá sveitarfélögum að upphæð 150.000 til 225.000 og afnot af sýningaraðstöðu vegna verkefnisins, Landsbyggðarleikhús sem fer af stað 2019 og felst í því að koma leiklistinni til landsbyggðarinnar. Markmiðið er að fara með þrjú verk á næsta ári, barn,- drama- og gaman leikrit, á landsbyggðina. Með styrk tryggja sveitarfélög sér sýningarnar. Sjái sveitafélög sér ekki fært að verða við styrk eru þau beðin um að koma á framfæri upplýsingum um fyrirtæki sem vildu styðja verkefnið.
Bæjarráð samþykkir að senda erindið til umsagnar í markaðs- og menningarnefnd.
Bókun fundar
Afgreiðsla 572. fundar bæjarráðs staðfest á 165. fundi bæjarstjórnar með 7 atkvæðum.
-
Bæjarráð Fjallabyggðar - 572. fundur - 18. september 2018
Lagt fram erindi, dags. 10.09.2018 frá Ragnheiði Evu Jónsdóttur meistaranema við lagadeild Háskólans í Reykjavík er varðar spurningalista vegna álagningar fjallskila sem sveitarfélagið er beðið um að svara og verður nýtt í vinnslu á meistaraverkefni Ragnheiðar Evu.
Bæjarráð samþykkir að fela deildarstjóra tæknideildar að svara erindinu.
Bókun fundar
Afgreiðsla 572. fundar bæjarráðs staðfest á 165. fundi bæjarstjórnar með 7 atkvæðum.
-
Bæjarráð Fjallabyggðar - 572. fundur - 18. september 2018
Lagt fram til kynningar erindi Sensa, dags. 11.09.2018 er varðar aðstoð fyrirtækisins við sveitarfélög innan Evrópska efnahagssvæðisins sem vilja sækja um styrk til uppsetningar á opnu þráðlausu neti í almenningsrýmum sínum.
Bókun fundar
Afgreiðsla 572. fundar bæjarráðs staðfest á 165. fundi bæjarstjórnar með 7 atkvæðum.
-
Bæjarráð Fjallabyggðar - 572. fundur - 18. september 2018
Lagt fram erindi dags. 05.09.2018 er varðar boð á fyrirtækjasýningu í Hofi Akureyri sem þrettán færeysk fyrirtæki standa að þann 19. september nk. kl. 13.
Bókun fundar
Afgreiðsla 572. fundar bæjarráðs staðfest á 165. fundi bæjarstjórnar með 7 atkvæðum.
-
Bæjarráð Fjallabyggðar - 572. fundur - 18. september 2018
Lögð fram til kynningar, umsögn Sambands íslenskra sveitarfélaga um frumvarp til laga um Þjóðgarðastofnun.
Umsagnir sveitarfélaga eru einnig aðgengilega á vef Sambandsins.
Bókun fundar
Afgreiðsla 572. fundar bæjarráðs staðfest á 165. fundi bæjarstjórnar með 7 atkvæðum.
-
Bæjarráð Fjallabyggðar - 572. fundur - 18. september 2018
Lagt fram erindi, dags. 07.09.2018 frá Félagsráðgjafafélagi Íslands varðandi breytingu á lögum um félagsþjónustu sem tekur gildi 1. október 2018. Vakin er athygli á ríkari skyldu sveitarfélaga til að hafa á að skipa félagsráðgjöfum til að starfa að verkefnum samkvæmt lögunum.
Bókun fundar
Afgreiðsla 572. fundar bæjarráðs staðfest á 165. fundi bæjarstjórnar með 7 atkvæðum.
-
Bæjarráð Fjallabyggðar - 572. fundur - 18. september 2018
Lagt fram til kynningar, Landsfundur sveitarfélaga um jafnréttismál verður haldinn í Hlégarði fimmtudaginn 20. september nk. Málþing sveitarfélaga um jafnréttismál sem og jafnréttisdagur Mosfellsbæjar verða daginn eftir eða föstudaginn 21. september nk.
Hrafnhildur Ýr Denke Vilbertsdóttir, formaður félagsmálanefndar Fjallabyggðar mun sækja viðburðina fyrir hönd Fjallabyggðar.
Bókun fundar
Afgreiðsla 572. fundar bæjarráðs staðfest á 165. fundi bæjarstjórnar með 7 atkvæðum.
