Bæjarráð Fjallabyggðar - 553. fundur - 25. apríl 2018

Málsnúmer 1804016F

Vakta málsnúmer

Bæjarstjórn Fjallabyggðar - 160. fundur - 02.05.2018

  • .1 1804090 Frumvarp til laga um stjórn fiskveiða, nr. 116/2006/ (strandveiðar)
    Bæjarráð Fjallabyggðar - 553. fundur - 25. apríl 2018 Lögð fram umsögn Landssambands smábátaeigenda (LS) um frumvarp til laga um breytingu á lögum um stjórn fiskveiða (strandveiðar). Í umsögn LS er því mótmælt að Fiskistofa hafi heimild til "að stöðva veiðar stefni heildarafli í að fara umfram heildaraflaviðmiðun" en jafnframt telur LS að það sé jákvætt að hægt verði að velja daga til veiða, þannig að 48 dögum sé skipt jafnt á mánuðina maí, júní, júlí og ágúst.

    Bæjarráð tekur undir umsögn LS og felur bæjarstjóra að koma skoðun bæjarráðs á framfæri við atvinnuveganefnd.
     Bókun fundar Afgreiðsla 553. fundar bæjarráðs staðfest á 160. fundi bæjarstjórnar með 7 atkvæðum.
  • .2 1803059 Útboð grunnskólalóð Siglufirði, 2. áfangi
    Bæjarráð Fjallabyggðar - 553. fundur - 25. apríl 2018 Þann 24. apríl sl. voru tilboð opnuð í endurgerð skólalóðar Grunnskólans á Siglufirði, 2. áfangi. Eftirfarandi tilboð bárust:

    Bás ehf - 20.820.755 kr.
    Sölvi Sölvason ehf. - 23.243.800 kr.

    Kostnaðaráætlun var 22.324.500 kr.

    Bæjarráð samþykkir að taka lægsta tilboði.
     Bókun fundar Afgreiðsla 553. fundar bæjarráðs staðfest á 160. fundi bæjarstjórnar með 7 atkvæðum.
  • .3 1804092 Rekstraryfirlit - 2018
    Bæjarráð Fjallabyggðar - 553. fundur - 25. apríl 2018 Farið yfir rekstraryfirlit yfir fyrstu tvo mánuði ársins. Rekstrarniðurstaða fyrir tímabilið er í samræmi við fjárhagsáætlun. Bókun fundar Afgreiðsla 553. fundar bæjarráðs staðfest á 160. fundi bæjarstjórnar með 7 atkvæðum.
  • .4 1610009 Upplýsingaskilti á útsýnissvæði fyrir ofan Siglufjörð
    Bæjarráð Fjallabyggðar - 553. fundur - 25. apríl 2018 Upplýsingaskilti sem er við innkomu í Siglufjörð að norðanverðu er í eigu þriðja aðila. Bæjarráð telur eðlilegt að skiltið sé í eigu sveitarfélagsins og er gert ráð fyrir gerð nýs skiltis í fjárhagsáætlun fyrir árið 2018. Leitað hefur verið tilboða í skiltið og liggur fyrir tilboð frá Skiltagerð Norðurlands. Um er að ræða skilti með timburramma og hljóðar tilboðið upp á 326.863 kr.

    Bæjarráð samþykkir að taka tilboði Skiltagerðar Norðurlands.
     Bókun fundar Afgreiðsla 553. fundar bæjarráðs staðfest á 160. fundi bæjarstjórnar með 7 atkvæðum.
  • .5 1804088 Styrkbeiðni - Skákfélagið Hrókurinn
    Bæjarráð Fjallabyggðar - 553. fundur - 25. apríl 2018 Tekin fyrir styrkbeiðni frá Skákfélaginu Hróknum, þar sem óskað er eftir styrk í tilefni af 20 ára afmæli félagsins og til að standa straum af kostnaði við að heimsækja öll sveitarfélög landsins. Einnig er Fjallabyggð þakkað fyrir sitt framlag til verkefnisins Vinátta í verki sem félagið stóð að, ásamt Hjálparstarfi kirkjunnar og Kalak árið 2017 vegna hamfara í Grænlandi.

    Bæjarráð samþykkir að veita félaginu styrk að upphæð 25.000 kr. og færist kostnaðurinn á lið 21810-9291.

     Bókun fundar Afgreiðsla 553. fundar bæjarráðs staðfest á 160. fundi bæjarstjórnar með 7 atkvæðum.
  • .6 1804087 Samstarf við SEEDS sjálfboðaliðasamtök 2018
    Bæjarráð Fjallabyggðar - 553. fundur - 25. apríl 2018 Lagt fram erindi frá sjálfboðaliðasamtökunum SEEDS, varðandi sjálfboðaliðahópa í sumar til fjölbreyttra verkefna á sviði umhverfis - menningar- og félagsmála. Kæmi til samstarfs þyrfti Fjallabyggð að útvega sjálfboðaliðum húsnæði, fæði og afþreyingu.

    Bæjarráð sér sér ekki fært að verða við erindinu.
    Bókun fundar Afgreiðsla 553. fundar bæjarráðs staðfest á 160. fundi bæjarstjórnar með 7 atkvæðum.
  • .7 1804001 Stefna í fiskeldi - Framtíðarsýn - aðgerðir
    Bæjarráð Fjallabyggðar - 553. fundur - 25. apríl 2018 Fundi um fiskeldisstefnu Samtaka sjávarútvegssveitarfélaga sem halda átti föstudaginn 27. apríl nk. hefur verið frestað sökum dræmrar mætingar. Ráðgert er að halda fundinn í sumarlok ef næg þátttaka næst. Bókun fundar Afgreiðsla 553. fundar bæjarráðs staðfest á 160. fundi bæjarstjórnar með 7 atkvæðum.
  • .8 1804086 Leiksýning haust 2018 - beiðni um samstarf/styrk
    Bæjarráð Fjallabyggðar - 553. fundur - 25. apríl 2018 Tekið fyrir erindi frá þjóðleikhússtjóra þar sem óskað er eftir samvinnu Fjallabyggðar um uppsetningu sýningarinnar Sögustund eftir Bernd Ogrodnik. Ætlunin er að setja sýninguna upp næsta haust um land allt og verður börnum á aldrinum 5-6 ára boðið á sýninguna.

    Þjóðleikhúsið óskar eftir sýningarrými sem uppfyllir ákveðin skilyrði auk gistingar fyrir þrjá einstaklinga.

    Bæjarráð samþykkir að styrkja Þjóðleikhúsið um afnot af Tjarnarborg.
     Bókun fundar Afgreiðsla 553. fundar bæjarráðs staðfest á 160. fundi bæjarstjórnar með 7 atkvæðum.
  • .9 1804056 Kynningarbæklingur vegna myndasafns
    Bæjarráð Fjallabyggðar - 553. fundur - 25. apríl 2018 Tekið fyrir erindi frá Mats Wibe Lund ljósmyndara þar sem Fjallabyggð er boðið að kaupa ljósmynd sem tekin er á Siglufirði árið 1962.

    Bæjarráð samþykkir að afþakka boðið.
     Bókun fundar Afgreiðsla 553. fundar bæjarráðs staðfest á 160. fundi bæjarstjórnar með 7 atkvæðum.
  • .10 1804085 Ársreikningur Sigurhæðar ses - 2017
    Bæjarráð Fjallabyggðar - 553. fundur - 25. apríl 2018 Lagður fram óundirritaður ársreikningur Sigurhæðar ses.

    Bæjarráð felur bæjarstjóra að koma athugasemdum bæjarráðs við ársreikninginn á næsta stjórnarfundi Sigurhæða.
     Bókun fundar Afgreiðsla 553. fundar bæjarráðs staðfest á 160. fundi bæjarstjórnar með 7 atkvæðum.
  • .11 1804091 Frá nefndasviði Alþingis - 480. mál til umsagnar
    Bæjarráð Fjallabyggðar - 553. fundur - 25. apríl 2018 Umhverfis- og samgöngunefnd Alþingis sendir til umsagnar tillögu til þingsályktunar um stefnumótandi byggðaáætlun 2018-2024, 480. mál.

    Lagt fram til kynningar.
     Bókun fundar Afgreiðsla 553. fundar bæjarráðs staðfest á 160. fundi bæjarstjórnar með 7 atkvæðum.
  • .12 1804077 Fyrirspurn vegna álagðra gjalda
    Bæjarráð Fjallabyggðar - 553. fundur - 25. apríl 2018 Tekin fyrir fyrirspurn frá Hönnu Björnsdóttir er varðar álögur sem lagðar eru á íbúa sveitarfélagsins.

    Bæjarráð felur bæjarstjóra og deildarstjóra stjórnsýslu- og fjármála að leggja fram drög að svari fyrir næsta fund bæjarráðs.     Bókun fundar Afgreiðsla 553. fundar bæjarráðs staðfest á 160. fundi bæjarstjórnar með 7 atkvæðum.
  • .13 1801013 Fundargerðir nefnda og stjórna Fjallabyggðar - 2018
    Bæjarráð Fjallabyggðar - 553. fundur - 25. apríl 2018 Lögð fram til kynningar fundargerð 18. fundar ungmennaráðs. Bókun fundar Afgreiðsla 553. fundar bæjarráðs staðfest á 160. fundi bæjarstjórnar með 7 atkvæðum.