Öldungaráð Fjallabyggðar - 3. fundur - 22. mars 2018

Málsnúmer 1803010F

Vakta málsnúmer

Bæjarstjórn Fjallabyggðar - 159. fundur - 18.04.2018

Til máls tók S. Guðrún Hauksdóttir.
  • .1 1803054 Starf eldri borgara í Fjallabyggð 2018
    Öldungaráð Fjallabyggðar - 3. fundur - 22. mars 2018 Undir þessum lið fundargerðarinnar mættu Gerður Ellertsdóttir og Helga Hermannsdóttir, starfsmenn dagdvalar aldraðra í Fjallabyggð. Kynntu þær dagskrá og starfsemi dagdvalar á Siglufirði og Ólafsfirði. Mikil gróska er í starfinu og þátttaka eldri borgara framar vonum. Á Siglufirði eru þátttakendur 83 og 65 þátttakendur á Ólafsfirði. Öldungaráðið lýsir yfir ánægju sinni með starfsemina og hvetur eldri borgara til þátttöku í því góða starfi sem fram fer á vegum dagdvalar aldraðra í Fjallabyggð.
    Ingvar Á. Guðmundsson, fór yfir starfsemi félags eldri borgara á Siglufirði, félagsfundir eru reglulega einu sinni í mánuði yfir vetrarmánuðina og ferðalög og aðrar skemmtanir yfir sumarmánuðina. Félag eldri borgar á Siglufirði heldur upp á 35 ára afmæli sitt á þessu ári.
    Félag eldri borgar á Ólafsfirði heldur einnig upp öflugu félagsstarfi, heldur reglulega fundi og fer í skemmtiferðir.     Bókun fundar Afgreiðsla 3. fundar öldungaráðs staðfest á 159. fundi bæjarstjórnar með 7 atkvæðum.
  • .2 1803055 Bekkir á gönguleiðum í Fjallabyggð
    Öldungaráð Fjallabyggðar - 3. fundur - 22. mars 2018 Undir þessum lið fundargerðar mættu á fundinn Ármann Viðar Sigurðsson, deildarstjóri tæknideildar og Ríkey Sigurbjörnsdóttir, deildarstjóri fræðslu- frístunda- og menningarmála. Rætt var um skipulag gönguleiða innanbæjar í Fjallabyggð og verkefnið, Brúkum Bekki. Ríkey sagði frá verkefninu Heilsueflandi samfélag í Fjallabyggð. Samþykkt var að fulltrúar eldri borgara leggðu fram tillögu um staðsetningu bekkja og gönguleiða fyrir 20. apríl nk. og skila til deildarstjóra félagsmáladeildar. Bókun fundar Afgreiðsla 3. fundar öldungaráðs staðfest á 159. fundi bæjarstjórnar með 7 atkvæðum.
  • .3 1710091 Samþykkt um öldungaráð Fjallabyggðar
    Öldungaráð Fjallabyggðar - 3. fundur - 22. mars 2018 Samþykkt um öldungaráð Fjallabyggðar tekin til umræðu. Öldungaráð mun taka málið til endurskoðunar þegar reynsla er fengin og ef þörf krefur. Bókun fundar Afgreiðsla 3. fundar öldungaráðs staðfest á 159. fundi bæjarstjórnar með 7 atkvæðum.