Gjaldskrár 2018

Ákvörðun um breytingar á gjaldskrá hafnarsjóðs verður tekin á fundi hafnarstjórnar í desember fyrir síðari umræðu um fjárhagsáætlun 2018.

Teknar til umfjöllunar gjaldskrár og álagning 2018
Bæjarráð samþykkir að leggja eftirfarandi tillögur fyrir bæjarstjórn:
Útsvarsprósenta verði óbreytt 14,48%
Fasteignaskattsprósenta verði óbreytt, (A 0,49%, B 1,32% og C 1,65%)
Lóðarleiguprósenta verði óbreytt (A 1,90% og C 3,50%)
Sorphirðugjöld hækki í 42.000 kr. úr 41.000 kr.
Holræsa-/fráveitugjaldaprósenta verði óbreytt 0,36%.
Vatnsskattsprósenta fasteignagjalda verði óbreytt 0,35%
Að gjaldskrár og þjónustugjöld 1. janúar 2018 taki mið af breytingum á vísitölu frá 1. janúar 2016, að undanskildum skólamáltíðum í Grunnskóla Fjallabyggðar sem haldast óbreyttar, gjaldskrá hafnarsjóðs og gjaldskrá Tjarnarborgar.

Bæjarráð samþykkir að leggja á gatnagerðargjald samkvæmt b lið 4. greinar, í samþykkt um gatnagerðargjald og sölu byggingarréttar í Fjallabyggð, þegar úthlutað er lóðum á deiliskipulögðum svæðum. Það þýðir að greitt verður gatnagerðargjald í samræmi við fermetrafjölda þeirrar byggingar sem byggingarleyfi tekur til en ekki í samræmi við fermetrafjölda þeirra bygginga sem heimilt er að reisa á viðkomandi lóð samkvæmt gildandi deiliskipulagi.

Lögð fram tillaga að hækkun á gjaldskrá Hafnarsjóð Fjallabyggðar. Hækkunin er 2% að undanskildu aflagjaldi sem verður óbreytt og grunngjaldi fyrir vigtun sem lækkar úr kr. 1.450 í 1.200.

Hafnarstjórn samþykkir framlagða tillögu að gjaldskrá Hafnarsjóðs Fjallabyggðar.

Tekin fyrir drög að gjaldskrá Slökkviliðs Fjallabyggðar og Hafnarsjóðs.

Bæjarráð samþykkir að vísa fyrirliggjandi drögum til afgreiðslu bæjarstjórnar við síðari umræðu um fjárhagsáætlun fyrir árið 2018.

Lögð fram tillaga að á gjaldskrá félagsmáladeildar. Félagsmálanefnd samþykkir fyrir sitt leyti framlagða tillögu.

Lögð fram drög að uppfærðri gjaldskrá fyrir Hafnarsjóð, þar sem 12. grein er breytt til samræmis við lög nr. 33/2004 og reglugerð nr. 1201/2014.
Hafnarstjórn leggur til við bæjarráð að gjaldskráin verði samþykkt svo breytt.