Ljósleiðaravæðing Fjallabyggðar

Tekið fyrir erindi frá Friðriki Steinari Svavarssyni, dagsett 27. janúar 2017, í ljósi þess að í frétt á RUV 26. janúar 2017 hafi komið fram að stefnt sé að því að 99% heimila í landinu verði ljósleiðaratengd árið 2020 (eftir þrjú ár). Fyrirspyrjandi langar að forvitnast um hvernig staða þessara mála sé í Fjallabyggð og hvernig bæjaryfirvöld hyggist beita sér til að þessi áætlun verði að raunveruleika.

Bæjarráð óskar eftir umsögn frá deildarstjóra tæknideildar, Ármanni V. Sigurðssyni.

Lögð fram umsögn deildarstjóra tæknideildar vegna fyrirspurnar F. Steinars Svavarssonar um stöðu nettenginga í Fjallabyggð.

Í umsögn deildarstjóra kemur fram að "10 hús sem skráð eru með lögheimili í dreifbýli eru ótengd við ljósnet/ljósleiðara. Þar af eru 9 í Ólafsfirði. Í þéttbýli þá er búið að tengja öll heimili í Ólafsfirði við ljósnet og er áætlað að búið verða að tengja öll heimili á Siglufirði á árinu 2017". Hægt er að sækja um styrk til Fjarskiptasjóðs vegna ótengdra heimila í dreifbýli og þarf Fjallabyggð/húseigandi að leggja til 350.000 fyrir hverja tengingu sem er styrkhæf.

Bæjarráð vísar kostnaði vegna verkefnisins til gerðar fjárhagsáætlunar 2018.