Bæjarráð Fjallabyggðar - 435. fundur - 8. mars 2016

Málsnúmer 1603002F

Vakta málsnúmer

Bæjarstjórn Fjallabyggðar - 128. fundur - 09.03.2016

  • .1 1603013 Útboð/verðkönnun - Malbikun fyrir Fjallabyggð 2016
    Bæjarráð Fjallabyggðar - 435. fundur - 8. mars 2016 Lagt fram minnisblað deildarstjóra tæknideildar, Ármanns V. Sigurðssonar vegna nýlagnar og yfirlagnar malbiks 2016 fyrir Fjallabyggð.

    Samkvæmt innkaupareglum Fjallabyggðar, er skylt að viðhafa útboð þegar áætluð samningsfjárhæð vegna verksamninga er yfir kr. 35.000.000.

    Bæjarráð samþykkir því að bjóða út nýlagnir og yfirlagnir malbiks fyrir Fjallabyggð 2016 og felur deildarstóra tæknideildar að sjá um útboðið.     Bókun fundar Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.
  • .2 1602057 Bifreiðar og tæki Fjallabyggðar 2016
    Bæjarráð Fjallabyggðar - 435. fundur - 8. mars 2016 Kaupsamningur vegna stjórnsýslubifreiðar lagður fram til kynningar. Bókun fundar Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.
  • .3 1603015 Gerð þrívíddarkorts
    Bæjarráð Fjallabyggðar - 435. fundur - 8. mars 2016 Lagt fram minnisblað deildarstjóra fræðslu- frístunda- og menningarmála. Á fund bæjarráðs kom Kristinn J. Reimarsson og fylgdi minnisblaðinu úr hlaði.
    Í október 2014 var kannað með kostnað við gerð þrívíddarkorts af Siglufirði og Ólafsfirði.
    Haft var samband við Borgarmynd ehf sem hafði myndað Siglufjörð úr lofti með dróna þá um sumarið.
    Tilboð þeirra var ekki til afgreiðslu við fjárhagsáætlun 2015.
    Í byrjun þessa árs þegar farið er í að skoða gerð nýs bæklings eða kynningarefnis fyrir þá erlendu ferðamenn sem hingað koma með skemmtiferðarskipum, sýna ferðaþjónustuaðilar áhuga á gerð þrívíddarkorts.
    Í framhaldi var leitað til Borgarmyndar ehf og þeir lögðu fram nýtt tilboð í gerð slíks korts.

    Bæjarráð samþykkir að vísa málinu til umfjöllunar í markaðs- og menningarnefnd og leggur áherslu að það verði afgreitt á næsta fundi. Þátttaka ferðaþjónustuaðila þarf að liggja fyrir við endanlega afgreiðslu málsins.     Bókun fundar Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.
  • .4 1603021 Málefni Vegagerðarinnar í Fjallabyggð
    Bæjarráð Fjallabyggðar - 435. fundur - 8. mars 2016 Lagt fram til kynningar minnisblað frá fundi bæjarstjóra og deildarstjóra tæknideildar með umdæmisstjóra og rekstrarstjóra Vegagerðarinnar á Akureyri 2. mars 2016. Bókun fundar Til máls tók Gunnar I. Birgisson.
    Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.
  • .5 1602043 Trúnaðarmál - fasteign
    Bæjarráð Fjallabyggðar - 435. fundur - 8. mars 2016 Umfjöllun bæjarráðs er skráð sem trúnaðarmál. Bókun fundar Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.
  • .6 1603022 Áskorun um bætt umferðaröryggi skólabarna í Fjallabyggð
    Bæjarráð Fjallabyggðar - 435. fundur - 8. mars 2016 Lögð fram til kynningar áskorun stjórnar Foreldrafélags Grunnskóla Fjallabyggðar, dagsett 2. mars 2016, þar sem skorað er á bæjarstjórn Fjallabyggðar að standa betur að öryggismálum gangandi grunnskólabarna til og frá tónskóla á skólatíma.

    Bæjarráð vísar erindinu til umfjöllunar í skipulags- og umhverfisnefnd.

    Einnig kynnt ályktun af fundi foreldra nemenda í Grunnskóla Fjallabyggðar 25. febrúar 2016, þar sem skorað er á Vegagerðina að koma upp vindhraðamæli sem allra fyrst á Saurbæjarásnum í Siglufirði.
    Bæjarráð vísar í minnisblað bæjarstjóra og deildarstjóra tæknideildar frá fundi með fulltrúum Vegagerðarinnar 2. mars 2016.     Bókun fundar Til máls tóku S. Guðrún Hauksdóttir og Sólrún Júlíusdóttir.
    Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.
  • .7 1603012 Beiðni um umsögn vegna umsóknar um nýtt rekstrarleyfi, Ísafold Kitchen Bar, Aðalgötu 32 Siglufirði
    Bæjarráð Fjallabyggðar - 435. fundur - 8. mars 2016 Lögð fram beiðni frá Sýslumanninum á Norðurlandi eystra dagsett 2. mars 2016, er varðar umsögn um nýtt rekstrarleyfi til sölu veitinga á Ísafold Kitchen Bar, Aðalgötu 32, Siglufirði.

    Bæjarráð gerir ekki athugasemd við umsóknina.     Bókun fundar Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.
  • .8 1603003 Jafnrétti í sveitarfélögum - málþing og námskeið
    Bæjarráð Fjallabyggðar - 435. fundur - 8. mars 2016 Boðað er til málþings um jafnrétti í sveitarfélögum, 31. mars og námskeiðs 1. apríl 2016 í Reykjavík.

    Þessir viðburðir eru skipulagðir með vísun til stefnumörkunar Sambands íslenskra sveitarfélaga kjörtímabilið 2014-2018, þar sem segir að sambandið skuli hvetja og styðja sveitarfélögin í því að ná fram jafnrétti kynjanna í reynd.

    Lagt fram til kynningar.     Bókun fundar Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.
  • .9 1510119 Kerfisáætlun Landsnets
    Bæjarráð Fjallabyggðar - 435. fundur - 8. mars 2016 Í september og nóvember á síðasta ári voru haldnir fundir með Landsneti og fulltrúum sveitarfélaganna í Eyjafirði og Norðurlandi vestra, um kerfisáætlun Landsnets.

    Í samráði Atvinnuþróunarfélaganna í Eyjafirði og Norðurlandi vestra og Landsnets hefur verið ákveðið að boða til næsta fundar þriðjudaginn 15. mars á Akureyri. Reiknað er með einum fulltrúa frá hverju sveitarfélagi.

    Bæjarráð samþykkir að Gunnar I. Birgisson bæjarstjóri verði fulltrúi Fjallabyggðar.
     Bókun fundar Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.
  • .10 1603010 Ósk um stuðning við Nótuna - uppskeruhátíð tónlistarskóla í formi styrktarlínu
    Bæjarráð Fjallabyggðar - 435. fundur - 8. mars 2016 Aðstandendur Nótunnar - uppskeruhátíðar tónlistarskóla fara þess á leit við bæjarfélagið í erindi sínu dagsett 3. mars 2016 að það veiti Nótunni 2016 stuðning í formi styrktarlínu, og taka þar með þátt í að efla samhljóm NÓTUNNAR, á sínu svæði sem og á landsvísu.

    Hátíðin, sem nú verður haldin í sjöunda sinn, er talinn víðtækasta samstarfsverkefni sem stofnað hefur verið til í tónlistarskólakerfinu, "grasrót tónlistarsköpunar" á landinu.

    Fernir svæðistónleikar Nótunnar eru haldnir út um land og lokahátíð Nótunnar á landsvísu er haldin í Hörpu.

    Stuðningsbeiðni er að upphæð 35.000 kr.

    Bæjarráð samþykkir styrkbeiðni.     Bókun fundar 128. fundur bæjarstjórnar samþykkir samhljóða með 7 atkvæðum stuðning við Nótuna.
  • .11 1603001 Ráðstefna um jarðskjálfta á Norðurlandi Húsavík 31. maí - 3. júní 2016
    Bæjarráð Fjallabyggðar - 435. fundur - 8. mars 2016 Boðað er til ráðstefnu um jarðskjálfta á Norðurlandi.

    Aðstandendur ráðstefnunnar og styrktaraðilar eru: Háskólinn á Akureyri, Háskólasjóður KEA, Jarðvísindastofnun Háskóla Íslands, Veðurstofa Íslands, King Abdullah University of Science and Technology (KAUST), Rannsóknar-miðstöð í jarðskjálftaverkfræði við Háskóla Íslands, Almannavarnadeild Ríkis-lögreglustjóra, Viðlagatrygging Íslands, Íslenskar Orkurannsóknir (ÍSOR), Þekkingarnet Þingeyinga, Orkustofnun, Innanríkisráðuneytið, Umhverfis- og auðlindaráðuneytið og Forsætisráðuneytið.

    Lagt fram til kynningar.     Bókun fundar Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.
  • .12 1603004 XXX. landsþing Sambands íslenskra sveitarfélaga - 2016
    Bæjarráð Fjallabyggðar - 435. fundur - 8. mars 2016 Boðað er til XXX. landsþings sambandsins 8. apríl 2016 í Reykjavík.

    Kjörnir fulltrúar Fjallabyggðar eru:
    Kristinn Kristjánsson og
    Steinunn María Sveinsdóttir.
    Til vara:
    Ríkharður Hólm Sigurðsson og
    Hilmar Þór Elefsen.

    Bæjarstjóri mun einnig sækja landsþingið.     Bókun fundar Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.
  • .13 1603016 Sjómannadagurinn 2016 - styrkumsókn
    Bæjarráð Fjallabyggðar - 435. fundur - 8. mars 2016 Í erindi Sjómannafélags Ólafsfjarðar, dagsett 29. febrúar 2016, er þakkað fyrir styrk sem veittur er til Sjómannadagshátíðar í Fjallabyggð 2016. Jafnframt er þess óskað að félagið fái afslátt af leiguverði í Tjarnarborg og íþróttamiðstöð um sjómannadagshelgina 3. - 5. júní 2016.
    Einnig er þess óskað að bæjarfélagið bjóði upp á rútuferðir milli byggðakjarna þessa helgi og að félagið fái afnot af smákofum, sjómannadagshelgina, þeim sem notaðir hafa verið í tengslum við jólamarkað Tjarnarborgar.

    Bæjarráð samþykkir afslátt af leigu á Tjarnarborg, afnot af smákofum og felur deildarstjóra fræðslu- frístunda- og menningarmála að útfæra rútuferðir í samráði við Sjómannafélag Ólafsfjarðar.     Bókun fundar Til máls tóku Gunnar I. Birgisson, Kristinn Kristjánsson, Sólrún Júlíusdóttir og S. Guðrún Hauksdóttir.
    128. fundur bæjarstjórnar samþykkir samhljóða með 7 atkvæðum að vísa þessum dagskrárlið til fullnaðar afgreiðslu bæjarráðs.
  • .14 1603005 Til umsagnar - 275. mál frá nefndasviði Alþingis
    Bæjarráð Fjallabyggðar - 435. fundur - 8. mars 2016 Umhverfis- og samgöngunefnd Alþingis sendir til umsagnar tillögu til þingsályktunar um hæfisskilyrði leiðsögumanna, 275. mál.

    Lagt fram til kynningar.     Bókun fundar Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.
  • .15 1603009 Til umsagnar - 32. mál frá nefndasviði Alþingis
    Bæjarráð Fjallabyggðar - 435. fundur - 8. mars 2016 Allsherjar- og menntamálanefnd Alþingis sendir til umsagnar tillögu til þingsályktunar um endurskoðun laga um lögheimili, 32. mál.

    Lagt fram til kynningar.     Bókun fundar Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.
  • .16 1603002 Til umsagnar 458. mál frá nefndasviði Alþingis
    Bæjarráð Fjallabyggðar - 435. fundur - 8. mars 2016 Velferðarnefnd Alþingis sendir til umsagnar frumvarp til laga um félagsþjónustu sveitarfélaga (skilyrði fjárhagsaðstoðar), 458. mál.

    Lagt fram til kynningar.

    Bæjarráð samþykkir að óska eftir umsögn frá deildarstjóra félagsmála.     Bókun fundar Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.
  • .17 1601004 Fundargerðir Heilbrigðisnefndar Norðurlands vestra - 2016
    Bæjarráð Fjallabyggðar - 435. fundur - 8. mars 2016 Lögð fram til kynningar fundargerð HNv frá 11. febrúar 2016. Bókun fundar Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.
  • .18 1603006 Fundargerðir samstarfsnefndar SÍS og kennarasambands Íslands vegna Félags grunnskólakennara
    Bæjarráð Fjallabyggðar - 435. fundur - 8. mars 2016 Lagðar fram til kynningar fundargerðir samstarfsnefndar SNS og Félags grunnskólakennara nr. 53 og 54, sem nýlega voru birtar á heimsíðu sambandsins. Bókun fundar Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.
  • .19 1601008 Fundargerðir stjórnar Sambands íslenskra sveitarfélaga - 2016
    Bæjarráð Fjallabyggðar - 435. fundur - 8. mars 2016 Lögð fram til kynningar fundargerð 836. fundar stjórnar Sambands íslenskra sveitarfélaga, frá 26. febrúar 2016. Bókun fundar Afgreiðsla 435. fundar bæjarráðs staðfest á 128. fundi bæjarstjórnar með 7 atkvæðum.