Markaðs- og menningarnefnd Fjallabyggðar - 19. fundur - 8. október 2015
Málsnúmer 1510003F
Vakta málsnúmer
-
Markaðs- og menningarnefnd Fjallabyggðar - 19. fundur - 8. október 2015
Á fundinn mætti Hrönn Hafþórsdóttir forstöðumaður bóka- og héraðsskjalasafns. Fór hún yfir málefni tengt söfnunum og starfsemi upplýsingamiðstöðvar.
Á árinu 2016 verður áhersla á starfsemi héraðsskjalasafnsins og verður farið í átak í að grisja gögn og eins verður farið í átak að varðveita gögn er tengjast Fjallabyggð, bæði hjá stjórnsýslunni, einkaaðilum og félagasamtökum.
Opnunartími bókasafnsins er í dag 3,5 klst. Leggur Hrönn til að gerð verði tilraun til áramóta með opnun á bókasafninu á laugardögum milli kl. 11:00 - 14:00.
Á tímabilinu 15. maí til 30. september komu 1.788 ferðamenn á upplýsingamiðstöðvarnar, þar af voru 1.655 erlendir ferðamenn. Á upplýsingamiðstöðina Siglufirði komu 1.493 ferðamenn og 295 í Ólafsfirði. Erlendir ferðamenn komu frá 32 þjóðlöndum og voru Frakkar og Þjóðverjar fjölmennastir. Að mati Hrannar þarf að auka opnunartíma á upplýsingamiðstöðvunum yfir sumartímann og gera ráð fyrir starfsmanni í 100% starf.
Nefndin þakkar Hrönn fyrir góða yfirferð á starfsemi bóka- og héraðsskjalasafnsins.
Nefndin óskar eftir kostnaðartölum er varðar beiðni um opnun á laugardögum og þær verði lagðar fyrir næsta fund.
Nefndin tekur undir mat Hrannar varðandi aukin opnunartíma á upplýsingamiðstöð og leggur til að það verði tekið til skoðunar við gerð fjárhagsáætlunar fyrir árið 2016.
Bókun fundar
Afgreiðsla 19. fundar markaðs- og menningarnefndar staðfest á 121. fundi bæjarstjórnar með 7 atkvæðum.
-
Markaðs- og menningarnefnd Fjallabyggðar - 19. fundur - 8. október 2015
Á fundinn mætti Ásta Sigurfinnsdóttir umsjónarmaður Tjarnarborgar og fór hún yfir dagskrá hússins fram að áramótum. Nefndin fagnar aukingu á nýtingu hússins og þakkar Ástu fyrir framlögð gögn.
Bókun fundar
Afgreiðsla 19. fundar markaðs- og menningarnefndar staðfest á 121. fundi bæjarstjórnar með 7 atkvæðum.
-
Markaðs- og menningarnefnd Fjallabyggðar - 19. fundur - 8. október 2015
Í sumar birti Steingrímur Kristinsson á heimasíðu sinni opið bréf til markaðs- og menningarnefndar með yfirskriftinni "Hvað getur markaðs- og menningarnefnd Fjallabyggðar gert til að auka ánægju ferðamanna sem til Fjallabyggðar koma og ekki hvað síst okkur íbúana sem einnig munu njóta?"
Í bréfinu eru lagðar fram sjö hugmyndir m.a. í þá veru að auka aðgengi ferðamanna að nokkrum stöðum á Siglufirði.
Nefndin þakkar Steingrími góðar hugmyndir og mun hafa þær til hliðsjónar við gerð fjárhagsáætlunar 2016 og þriggja ára áætlunar 2017 - 2019.
Bókun fundar
Afgreiðsla 19. fundar markaðs- og menningarnefndar staðfest á 121. fundi bæjarstjórnar með 7 atkvæðum.
-
Markaðs- og menningarnefnd Fjallabyggðar - 19. fundur - 8. október 2015
Markaðsstofa Norðurlands er orðinn tengiliður ferðaþjónustunnar á Norðurlandi við Vegagerðina. Þetta samkomulag sem gert var við Vegagerðina gefur ferðaþjónustunni tækifæri á að koma á framfæri sínum áherslum varðandi þjónustu, viðhald og uppbyggingu vegakerfisins.
Þann 18. september sl. var haldinn fundur á Höllinni þar sem ferðaþjónustuaðilum og sveitarstjórnum á Tröllaskaga var gefin kostur á að koma sínum athugasemdum á framfæri. Hvar er úrbóta þörf? Hvar er þörfin brýnust? Hvernig á að forgangsraða verkefnum?Markaðs- og menningarnefnd hvetur ferðaþjónustuaðila til að hafa samband við Markaðsstofu Norðurlands og koma ábendingum og tillögum er að þessu snúa á framfæri.
Er lýtur að sveitarstjórnarstiginu þá áttu bæjarstjóri og deildarstjóri tæknideildar fund með fulltrúum Vegagerðarinnar í gær og fóru þar yfir nokkur atriði sem snúa að bættum samgöngubótum í bæjarfélaginu.
Nefndin felur markaðs- og menningarfulltrúa að koma þessum ábendingum áfram til Markaðsstofu Norðurlands og jafnframt telur nefndin afar brýnt að Vegagerðin sinni betur snjómokstri við útsýnispalla í bæjarfélaginu þar sem ferðamannatímabilið er stöðugt að lengjast. Einnig telur nefndin nauðsynlegt að farið verið í aðgerðir til að draga úr umferðarhraða á þjóðveginum í gegnum byggðarkjarnana.
Bókun fundar
Afgreiðsla 19. fundar markaðs- og menningarnefndar staðfest á 121. fundi bæjarstjórnar með 7 atkvæðum.
-
Markaðs- og menningarnefnd Fjallabyggðar - 19. fundur - 8. október 2015
Lögð fram skýrsla framkvæmdanefndar um Síldarævintýrið ásamt reikningum. Tap var á hátíðinni í ár og borgaði framkvæmdastjóri hátíðarinnar úr eigin vasa til að geta gert upp hátíðina. Framkvæmdanefndin segir sig frá hátíðinni eftir sex ára starf.
Markaðs- og menningarnefnd þakkar fyrir greinargóða skýrslu og jafnframt þakkar hún framkvæmdanefndinni fyrir óeigingjarnt starf við undirbúning og framkvæmd hátíðarinnar sl. ár.
Markaðs- og menningarnefnd óskar eftir því að fulltrúar framkvæmdarnefndarinnar mæti á næsta fund til að ræða framtíð Síldarævintýrisins.
Bókun fundar
Til máls tóku Kristinn Kristjánsson, Ásgeir Logi Ásgeirsson, S. Guðrún Hauksdóttir, Hilmar Elefsen, Gunnar I. Birgisson og Steinunn María Sveinsdóttir.
Bæjarstjórn þakkar framkvæmdanefnd um Síldarævintýrið fyrir mikið og gott starf við framkvæmd hátíðarinnar síðustu ár.
Afgreiðsla 19. fundar markaðs- og menningarnefndar staðfest á 121. fundi bæjarstjórnar með 7 atkvæðum.
-
Markaðs- og menningarnefnd Fjallabyggðar - 19. fundur - 8. október 2015
Í tilefni af 100 ára afmæli Ólafsfjarðarkirkju í ár er sótt um styrk vegna útgáfu á geisladisk sem Jón Þorsteinsson óperusöngvari ætlar að gefa kirkjunni. Mun hann ásamt Eyþóri Inga organista flytja íslenska jóla- og áramótasálma. Mun sala á geisladisknum renna til styrktar kirkjunni. Sótt er um styrk til markaðs- og menningarnefndar. Nefndin samþykkir að styrkja útgáfuna um 200.000 kr. og verður upphæðin tekin af óráðstöfuðum styrktarlið 05-81-9291.
Bókun fundar
Til máls tók S. Guðrún Hauksdóttir.
Afgreiðsla 19. fundar markaðs- og menningarnefndar staðfest á 121. fundi bæjarstjórnar með 7 atkvæðum.
