Flugklasinn Air 66N - Yfirlit 2011-2014

Lagt fram erindi frá Markaðsstofu Norðurlands, dagsett 25. febrúar 2015, um starf Flugklasans Air 66N á Norðurlandi.
Markmið klasans er að koma á beinu millilandaflugi um Akureyrarflugvöll allt árið um kring til framtíðar.
Stofnaðilar 2011, voru yfir 20 ferðaþjónustufyrirtæki og 10 sveitarfélög á Norðurlandi.

Óskað er eftir aðkomu bæjarfélagsins að þessu verkefni og framlagi sem nemur 300 kr. á hvern íbúa á ári í 3 ár, 2015-2017.

Bæjarráð óskar eftir að fulltrúi Flugklasans Air 66N á Norðurlandi komi á fund bæjarráðs og kynni verkefnið.

Í tengslum við erindi frá Markaðsstofu Norðurlands, dagsett 25. febrúar 2015, um starf Flugklasans Air 66N á Norðurlandi, óskaði bæjarráð á 383. fundi sínum eftir kynningu á verkefninu.

Á fund bæjarráðs mætti fulltrúi Flugklasa Air 66N, Hjalti Páll Þórarinsson og kynnti verkefnið.

Markmið klasans er að koma á beinu millilandaflugi um Akureyrarflugvöll allt árið um kring til framtíðar.

Óskað er eftir aðkomu bæjarfélagsins að þessu verkefni og framlagi sem nemur 300 kr. á hvern íbúa á ári í 3 ár, 2015-2017.

Bæjarráð samþykkir að taka þátt í verkefninu.
Árlega verði bæjarfélaginu gerð grein fyrir stöðu verkefnisins.

Lagt fram til kynningar yfirlit yfir starf klasans fyrstu átta mánuði ársins. Þar er farið yfir helstu verkefni og árangur sem náðst hefur.