Hlíðarvegur 18-20 Siglufirði

Í tengslum við sölu á Hlíðarvegi 18-20 Siglufirði (Gaggann) mun skipulags- og umhverfisnefnd leggja fram tillögu að bílastæðum fyrir húsið.

Kauptilboð sem borist hafa í húsnæðið til Fasteignasölunnar Hvamms í síðasta lagi 13. mars 2015 verða til umfjöllunar og afgreiðslu á fundi bæjarráðs 17. mars 2015.

Eitt gilt kauptilboð barst til Fasteignasölunnar Hvamms í húsnæðið að Hlíðarveg 18-20 Siglufirði, frá Þresti Þórhallssyni.
Tilboðsfrestur rann út 13. mars 2015.
Annað tilboð barst, en það reyndist ekki gilt.

Bæjarráð samþykkir að fela bæjarstjóra að ganga til viðræðna við kauptilboðsgjafa.

Bæjarráð samþykkir að fresta þessum dagskrárlið.

384. fundur bæjarráðs, 17. mars 2015, samþykkti að fela bæjarstjóra að ganga til viðræðna við kauptilboðsgjafa, Þröst Þórhallsson, í húsnæðið að Hlíðarveg 18-20 Siglufirði.

Bæjarstjóri upplýsti um stöðu mála.

Bæjarráð samþykkir að fela bæjarstjóra að gera bjóðanda gagntilboð á þeim forsendum sem fram komu á fundinum.

384. fundur bæjarráðs, 17. mars 2015, samþykkti að fela bæjarstjóra að ganga til viðræðna við kauptilboðsgjafa, Þröst Þórhallsson, f.h. Annathor ehf í húsnæðið að Hlíðarveg 18-20 Siglufirði.

389. fundur bæjarráðs, 21. apríl 2015, samþykkti að fela bæjarstjóra að gera bjóðanda gagntilboð á þeim forsendum sem fram komu á fundinum.

Lagt fram samþykkt gagntilboð, að upphæð 55 milljónir í Hlíðarveg 18-20 Siglufirði.

Bæjarráð samþykkir tilboðið.

Þar sem styttist í afhendingu skólahúsnæðis til nýrra eigenda, þarf að tæma það af ýmsum munum sem eru þar í geymslu.

Leitað er eftir heimild bæjarráðs til að vinna að tæmingu húsnæðis og kaup á sýningaskápum undir gripi sem yrðu staðsettir í Grunnskóla Fjallabyggðar við Norðurgötu á Siglufirði.

Bæjarráð samþykkir að fela deildarstjóra tæknideildar að hafa umsjón með verkinu. Ákvörðun um kaup á skápum er frestað.