Ársreikningur Fjallabyggðar 2012

Á fund bæjarráðs mættu, bæjarfulltrúarnir, Bjarkey Gunnarsdóttir, Guðmundur Gauti Sveinsson, varabæjarfulltrúinn Kristín Brynhildur Davíðsdóttir og endurskoðandi KPMG, Þorsteinn G Þorsteinsson.
Þorsteinn G Þorsteinsson endurskoðandi gerði grein fyrir niðurstöðum ársreiknings Fjallabyggðar.
Fram kom hjá endurskoðanda að staða sveitarfélagsins væri sterk. Rekstrartekjur sveitarfélagsins á árinu námu 1.779,5 millj. kr. Rekstrarniðurstaða samkvæmt samanteknum rekstrarreikningi A og B hluta var jákvæð um 80,9 millj. kr.
Eigið fé í árslok nam 1.748,9 millj. kr. Handbært fé í árslok er 108,3 millj. kr.
Bæjarráð undirritaði ársreikning og samþykkti að vísa ársreikningi Fjallabyggðar 2012 til fyrri umræðu í bæjarstjórn.

Til máls tók bæjarstjóri Sigurður Valur Ásbjarnarson og fór yfir skýringar með ársreikningi.
Helstu tölur í ársreikningi sveitarfélagsins fyrir árið 2012 eru:
Rekstrartekjur sveitarfélagsins á árinu námu 1.779,5 millj. kr.
Rekstrarniðurstaða samkvæmt samanteknum rekstrarreikningi A og B hluta var jákvæð um 80,9 millj. kr.
Eigið fé í árslok nam 1.748,9 millj. kr.
Handbært fé í árslok er 108,3 millj. kr.

Bæjarstjórn samþykkti með 8 atkvæðum að vísa ársreikningi Fjallabyggðar 2012 til síðari umræðu í bæjarstjórn.

Bæjarstjóri, Sigurður Valur Ásbjarnarson, fór yfir skýringar með ársreikningi 2012 og lagði til við bæjarstjórn að reikningurinn fyrir árið 2012 yrði samþykktur.
Vísað er til vefs sveitarfélagsins þar sem finna má skýringar bæjarstjóra með ársreikningi sem og endurskoðunarskýrslu KPMG.
Til máls tóku Egill Rögnvaldsson og Ólafur H. Marteinsson.
Bæjarstjórn samþykkir ársreikning Fjallabyggðar fyrir árið 2012 með 9 atkvæðum.