Fréttir

Kynningarfundur í Tjarnarborg2. júlí kl. 20Almenn kynning á fyrirhugaðri framkvæmd við byggingu snjóflóðavarnargarðs við Hornbrekku, sérstaklega hvað varðar flutning á efni í garðinn.Í frumáætlun var gert ráð fyrir að efni úr Héðinsfjarðargöngum verði notað við uppbyggingu garðsins. Gert var ráð fyrir að flutningur á efninu færi eftir bráðabirgðavegi á vatnsbakkanum.Á fundinum verður farið yfir þá valkosti sem eru fyrir hendi við uppbyggingu garðsins og flutning efnis.Áríðandi er að þeir sem telja sig málið varða mæti á kynningarfundinn.Skipulags- og umhverfisnefnd Fjallabyggðar

15. fundur bæjarstjórnar Fjallabyggðarverður haldinn í húsi Félags eldri borgara í Ólafsfirði þriðjudaginn 3. júlí 2007 kl. 17.00.Dagskrá1. Ársreikningar Fjallabyggðar 2006, fyrri umræðaFjallabyggð 29. júní 2007Þórir Kr. ÞórissonbæjarstjóriAðalmenn! Vinsamlegast boðið varamenn ef um forföll er að ræða auk þess að tilkynna það á bæjarskrifstofuna.

Ungmenna- og íþróttasamband Ólafsfjarðar gengst fyrir jónsmessubrennu að kvöldi sunnudagsins 24. júní á Ósbrekkusandi. Kveikt verður í bálkestinum um klukkan 20:30.

Dagskrá hátíðarhaldanna hefst með skrúðgöngu og er fólk hvatt til að fjölmenna. Skrúðgangan leggur af stað frá kirkjunni undir trumbuslætti kl. 13:15 og verða ýmsar furðuverur með í för til að gleðja börnin. Gengið verður að minnisvarða sr. Bjarna Þorsteinssonar og Sigríðar Lárusdóttur við Hvanneyri og verður stutt athöfn þar. Svo er haldið áfram að Torginu og verður tekið á móti skrúðgöngunni með lúðrablæstri úr kirkjuturninum.Leiktæki og skemmtiatriði verða á svæðinu fram eftir degi. Það er undir okkur komið sem byggjum bæinn, að gera þessi hátíðarhöld sem veglegust og viljum við hvetja bæjarbúa að taka þátt frá upphafi til enda. Leikfélag Siglufjarðar og Ungmennafélagið Glói

9. júní - Síldarsöltun fyrir skemmtiferðaskip.17. júní - Síldarsöltun fyrir skemmtiferðaskip.22. júní - 24. júní - Jónsmessuhátíð Síldarminjasafnsins.22. júní kl. 17.00 - Opnun listsýningar Sigurjóns Jóhannssonar - vatnslitastemningar frá síldarárunum.23. júní kl. 14.00 - Málþing um Guðsgjafaþulu Halldórs Laxness. Bókmenntafræðingar, sagnfræðingar og áhugamenn ræða um skáldsöguna og tengsl hennar við síldarveruleikann. kl. 20.30 - Róaldsbrakki 100 ára, síldarsöltun á Róaldsbryggju. 24. júní kl. 14.00 - Við rústir Evangersverksmiðju, nýr áningarstaður ferðamanna vígður við rústir Evangersverksmiðju. 4.- 7. júlí - Þjóðlagahátíðin – nokkrir tónleikar á safninu.7. júlí kl. 15.00 - Síldarsöltun, söngur og dans á Róaldsbryggju. 14. júlí kl. 15.00 - Síldarsöltun, söngur og dans á Róaldsbryggju.21. júlí kl. 15.00 - Síldarsöltun, söngur og dans á Róaldsbryggju.28. júlí kl. 15.00 - Síldarsöltun, söngur og dans á Róaldsbryggju.4.- 5. ágúst - Síldarsöltun á Síldarævintýri.

Nú er dagskrá Blúshátíðarinnar á Ólafsfirði komin inn á heimasíðu þeirra, hátíðin er haldin dagana 28.-30. júníSlóðin er www.olafsfjordur.is/blues

Leikskólinn okkar er 25 ára nú í byrjun júní.Í tilefni af því er afmælishátíð á Leikhólum þann 9. júní frá klukkan 12:00-15:00Tekin verður fyrsta skóflustunga að viðbyggingu við leikskólann.Þá verður einnig sýning á verkum barnanna og ljósmyndasýning frá 25 ára sögu leikskólans. Svo verður að sjálfsögðu ýmislegt til gamans gert. Skralli trúður mætir á svæðið, hoppukastali, grill og risastór afmælisterta.Um leið og við minnum á þessi merku tímamót viljum við bjóða alla velkomna til okkar á laugardaginn í afmælisveisluna.Kveðja, börn og starfsfólk á Leikhólum.

Sundlaugin verður lokuð þessa viku vegna viðhalds og framkvæmda

Mæting nemenda í vinnuskóla Fjallabyggðar (Siglufirði) er mánudaginn 11. júní kl. 8:30 í húsnæði vinnuskóla (Gamla áhaldahús)Íþrótta- og æskulýðsfulltrúi

Vinnuskóli og áhaldahús Fjallabyggðar bjóða ellilífeyrisþegum og öryrkjum upp á garðslátt í heimagörðum. Þeir sem hyggjast nýta sér þessa þjónustu skrái niður nafn og heimilisfang: Ólafsfjörður á bæjarskrifstofu (464-9200) Siglufjörður í Ráðhúsi (464-9100)